Вы тут

Антыцелы да каранавірусу ў перахварэлых лёгка захоўваюцца мінімум 90 дзён


Антыцелы IgG дасягаюць пікавага ўзроўню на 45-е суткі пасля інфікавання, паведамляе ТАСС са спасылкай на даследаванне, праведзенае лабараторнай службай «Хелікс» разам з Ваенна-медыцынскай акадэміяй ім. С. М. Кірава.


— У асоб, якія перанеслі COVID-19 у лёгкай або бессімптомнай форме, антыцелы IgG дасягаюць пікавага ўзроўню на 45-е суткі пасля інфікавання і захоўваюцца мінімум да 90 сутак, у жанчын старэйшых за 60 гадоў узровень утварэння спецыфічных антыцелаў вышэй, — гаворыцца ў паведамленні кампаніі.

У даследаванні прынялі ўдзел звыш 1,1 тыс. чалавек з больш чым 20 рэгіёнаў Расіі, якія перанеслі каранавірусную інфекцыю лёгка ці ўвогуле без сімптомаў. У прадстаўленай выбарцы толькі ў 0,9% жанчын і 0,8% мужчын ва ўзросце ад 18 да 44 гадоў праз 30 сутак пасля выяўлення інфекцыі не знайшлі імунаглабуліны, у іншых узроставых групах антыцелы выявіліся ва ўсіх удзельніках.

Канчатковыя вынікі даследавання будуць уключаць аналіз узроўню антыцелаў праз 180 сутак пасля перанесенай лёгка ці без сімптомаў інфекцыі, а таксама ацэнку на працягу паўгода ўзроўню імунаглабуліну IgG да каранавірусу ў тых, у каго хвароба мела сярэднецяжкую і цяжкую плынь. Усяго будуць вывучаны аналізы 1,5 тыс. чалавек, старэйшых за 18 гадоў.

Выбар рэдакцыі

Грамадства

Ігар Петрышэка: «ЦТ — спаборніцтва, і перамога ў ім павінна быць чэснай!»

Ігар Петрышэка: «ЦТ — спаборніцтва, і перамога ў ім павінна быць чэснай!»

Сацыяльнае дыстанцыраванне і напаўняльнасць да 50 чалавек — такія патрабаванні да аўдыторый ЦТ.

Культура

22 чэрвеня 1941 года раздзяліла жыццё беларусаў на «да» і «пасля»

22 чэрвеня 1941 года раздзяліла жыццё беларусаў на «да» і «пасля»

Яны яшчэ не ведалі, што наперадзе — доўгія тры гады жыцця пад акупацыяй. 

Грамадства

Ва ўсім вінаваты... заяц. Як не падхапіць інфекцыю на прыродзе і падчас сельгасработ

Ва ўсім вінаваты... заяц. Як не падхапіць інфекцыю на прыродзе і падчас сельгасработ

Выпадак захворвання тулярэміяй зарэгістраваны ў чэрвені.