Вы тут

Галоўчанка прапанаваў радыкальна змяніць узаемадзеянне навукі і прамысловасці


Галіновыя інстытуты пры Нацыянальнай акадэміі навук не павінны адрывацца ад патрэб айчыннай вытворчасці. Аб гэтым заявіў прэм’ер-міністр Беларусі Раман Галоўчанка на савеце ў кіраўніка дзяржавы аб стане і задачах развіцця прамысловасці, перадае БелТА.


«Я хацеў бы пачаць з пытання, якое вы паставілі ў ходзе савета: чаго не хапае для якаснага рыўка? Пытанне зразумелае, адказ на яго просты: не хапае інавацый і навуковага ўкладу», — падкрэсліў Раман Галоўчанка.

Паводле слоў прэм’ер-міністра, у цэлым статыстыка нядрэнная: удзельная вага інавацыйнай прадукцыі, якая адгружаецца, складае 46,5 працэнта пры заданні 33,5 працэнта. Аднак за гэтымі паказчыкамі рэальна новай для свету прадукцыі няма.

«Я неяк вылучаў гэтую прапанову. Яна, напэўна, радыкальная, з ёй не ўсе згодныя. І навукоўцы не згодныя. Але трэба мяняць структуру ўзаемадзеяння навукі і прамысловасці. У нас ёсць галіновыя інстытуты. Чаму яны працуюць у адрыве ад вытворчасці? савецкі час была галіновая навука, якая напрацоўвала новыя тэхналагічныя рашэнні і перадавала на вытворчасці, якая іх увасабляла. Давайце хаця б у парадку эксперыменту шэраг інстытутаў аддамо тым, хто рэальна павінен карыстацца плёнам іх працы», — прапанаваў Раман Галоўчанка.

У прыклад ён прывёў работу Аб’яднанага інстытута машынабудавання Нацыянальнай акадэміі навук. Яго супрацоўнікі жадаюць стварыць электрычны спорткар, аднак прэм’ер-міністр сумняваецца, наколькі гэта актуальна для краіны ў цяперашні час. «Няхай гэта будзе дызайн-бюро, якое будзе працаваць на інтарэсы Міністэрства прамысловасці і выконваць тыя задачы, якія патрэбны айчыннай прамысловасці», — сказаў кіраўнік урада.

«Напэўна, іншых шляхоў няма. Трэба выкарыстоўваць той патэнцыял, які ў нас ёсць зараз», — дадаў Раман Галоўчанка.

Прэв’ю: БелТА

Выбар рэдакцыі

Адукацыя

Наталля Карчэўская: Культуры патрэбны прыток новых людзей

Наталля Карчэўская: Культуры патрэбны прыток новых людзей

Рэктар БДУКМ — пра падрыхтоўку прафесійных кадраў для ўстаноў культуры.

Грамадства

Батанічны сад — месца, напоўненае спакоем і прыгажосцю

Батанічны сад — месца, напоўненае спакоем і прыгажосцю

Прагуляліся па квітнеючым Цэнтральным батанічным садзе: расказваем аб уражаннях

Грамадства

Ці забяспечваецца ахова грамадскага парадку на Мінскім моры?

Ці забяспечваецца ахова грамадскага парадку на Мінскім моры?

Пра гэта даведаліся карэспандэнты «Звязды».

Гандаль

Кандытарскія вырабы — брэнд беларускай харчовай прамысловасці

Кандытарскія вырабы — брэнд беларускай харчовай прамысловасці

Напярэдадні Міжнароднага сімпозіума кандытараў эксперты расказалі аб планах і перспектывах кандытарскай галіны.