Вы тут

Лукашэнка: Беларусь зробіць усё дзеля спакойнага жыцця ў рэгіёне


Аб гэтым Прэзідэнт Беларусі Аляксандр Лукашэнка заявіў сёння на цырымоніі ўскладання вянкоў на мемарыяльным комплексе "Брэсцкая крэпасць-герой", перадае карэспандэнт БЕЛТА.


Кіраўнік дзяржавы падчас выступлення закрануў дзейнасць НАТА, адзначыўшы, што не трэба закалыхваць Беларусь гісторыямі аб абарончых вучэннях і міралюбнасці альянсу.

"Мы гэтага наеліся з 41-га года, калі мы вам верылі і не вынеслі ўрокаў з гісторыі, пасля перамогі падарыўшы вам Усходнюю Еўропу (так званыя краіны Варшаўскай дамовы) у абмен на вашыя абяцанні, што вы ніколі не зробіце кроку ў нашым кірунку і не будзеце, як модна цяпер казаць, пашыраць НАТА на ўсход. Вы ўвесь час хлусілі, ашуквалі, а сёння - не атрымаецца", - заявіў Аляксандр Лукашэнка.

Прэзідэнт падкрэсліў, што беларусы зробяць усё, каб абараніць сваю зямлю і мір у рэгіёне.

"Нашы сыны, якія тут стаяць пад сцягамі пераможцаў, зробяць усё для таго, каб вы жылі спакойным жыццём на сваёй зямлі. Вы-украінцы, беларусы і рускія, палякі, яўрэі, татары. Усе, хто жыве тут на гэтай зямлі. Гэта ваша зямля. Вас нідзе не чакаюць, і не верце гэтым абяцанням, што вас там прымуць з распасцёртымі рукамі. Гэта ваша зямля, беражыце, беларусы, яе, шануеце. Таму што яна належыць не толькі нам. Яна належыць нашым дзецям і ўнукам", - падкрэсліў кіраўнік дзяржавы.

Аляксандр Лукашэнка звярнуў увагу на тое, што рэгіён, як і 80 гадоў таму, знаходзіцца на мяжы глабальнага канфлікту. "Я звяртаюся перш за ўсё і ў чарговы раз да народаў, да народаў нашых суседніх краін-палякаў, літоўцаў, латышоў, украінцаў. Адумайцеся, пакуль не позна. Разбярыцеся вы з гэтымі палітыкамі, ашалелымі і адарванымі ад рэальнасці. Паглядзіце, які прыгожы свет, і ў гэтым свеце мы заўсёды нармальна жылі, па-суседску, дзялілі кавалак хлеба, ездзілі адзін да аднаго. Давайце спынімся ў гэтай апошняй рысы: заўтра будзе позна", - заклікаў беларускі лідар.

"Няўжо сярод украінцаў, літоўцаў, латышоў, палякаў, да якіх беларусы заўсёды ставіліся па-сяброўску, знойдуцца тыя, хто гатовы ахвяраваць гэтым сваім мірнай жыццём дзеля вар'яцтва і амбіцый асобных кіраўнікоў гэтых дзяржаў, палітыкаў, якім на самай справе напляваць на наш беларускі народ, на свае народы, іх лёсы і нашу беларускую дзяржаўнасць?"- задаў рытарычнае пытанне прэзідэнт.

Выбар рэдакцыі

Эканоміка

«Прадам утульную кватэру, а куплю яшчэ лепшую». А пра падаткі вы не забыліся?

«Прадам утульную кватэру, а куплю яшчэ лепшую». А пра падаткі вы не забыліся?

Адна мая добрая знаёмая вырашыла палепшыць свае жыллёвыя ўмовы — прадаць сваю двухпакаёвую кватэру і купіць трохпакаёвую.

Калейдаскоп

Усходні гараскоп на наступны тыдзень

Усходні гараскоп на наступны тыдзень

БЛІЗНЯТЫ. Калі ёсць цікавыя ідэі, то менавіта цяпер яны будуць запатрабаваныя і нарэшце ажыццёвяцца. Тыдзень прынясе знаёмствы з новымі людзьмі, спатканні, вандроўкі і шмат яркіх уражанняў. Асабістае жыццё рэзка зменіцца, прычым менавіта так, як вы марылі. Вы больш не будзеце самотныя, сітуацыя вырашыцца на вашу карысць.

Грамадства

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

«Верхавіна лета» прайшла, і ўжо мала хто памятае, што першая дэкада чэрвеня была халаднаватай і з замаразкамі.

Грамадства

Усё што трэба ведаць пра пляжны сезон

Усё што трэба ведаць пра пляжны сезон

У апошнія тыдні на краіну абрынулася небывалая спякота...