Кабінет Міністраў Украіны прыняў пастанову аб падаўжэнні адаптыўнага каранціну і рэжыму надзвычайнай сітуацыі да 31 снежня 2021 года, паведамляе Укрінформ, перадае БелТА.
Па словах міністра аховы здароўя Украіны Віктара Ляшко, 21 верасня адбудзецца пасяджэнне Дзяржаўнай камісіі па тэхнагеннай-экалагічнай бяспецы і надзвычайных сітуацыях, на якім абвесцяць, з якой даты па ўсёй тэрыторыі краіны ўсталёўваецца жоўты ўзровень эпіднебяспекі.
Гэта будзе прадугледжваць наступныя каранцінныя абмежаванні: будзе забаронена праводзіць масавыя мерапрыемствы з удзелам больш аднаго чалавека на 4 кв. м плошчы тэрыторыі або запоўненасцю залаў больш чым на дзве траціны; за столікам ва ўстанове грамадскага харчавання павінна быць не больш за чатыры чалавекі, а адлегласць паміж сталамі — мінімум 1,5 м; кінатэатры і іншыя ўстановы культуры будуць працаваць з запоўненасцю залаў менш чым на дзве траціны; спартыўныя залы і фітнес-цэнтры будуць працаваць толькі ў выпадку абмежавання колькасці наведвальнікаў з разліку адзін чалавек на 10 кв. м плошчы.
Таксама паведамляецца, што ў гэтым годзе Кабмін Украіны змяніў правілы каранціну і ўвёў прывілеі для вакцынаваных.
Новыя правілы прадугледжваюць два віды COVID-сертыфікатаў. Жоўты сертыфікат атрымаюць тыя, у каго ёсць адна прышчэпка ад каранавіруса, а зялёны будуць выдаваць украінцам, якія прайшлі поўны курс вакцынацыі. Акрамя вакцынацыі сертыфікат будуць выдаваць для пацверджання негатыўнага ПЦР-тэсту і перанесенай хваробы.
Прэв’ю: pixabay.com
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?