Вы тут

Юбілейныя «Пічэтаўскія чытанні» пройдуць у БДУ 27-28 кастрычніка


Двухдзённая Міжнародная навукова-практычная канферэнцыя «Пічэтаўскія чытанні — 2021: 100 гадоў першаму ўніверсітэту Беларусі» адкрыецца 27 кастрычніка ў БДУ. Мерапрыемства адбудзецца ў вочна-дыстанцыйным фармаце і прымеркавана да 100-годдзя БДУ. Асноўнай праблематыкай форуму заяўлена гістарычнае асэнсаванне ролі ўніверсітэта ў развіцці айчыннай сістэмы вышэйшай адукацыі.


У канферэнцыі прымуць удзел каля 120 вучоных і студэнтаў з Беларусі, Расіі, Германіі, Францыі і Украіны: прадстаўнікі БДУ, ГрДУ імя Янкі Купалы, Нацыянальнай акадэміі навук Беларусі, МДУ імя. М.В. Ламаносава, Кіеўскага нацыянальнага ўніверсітэта імя Тараса Шаўчэнкі, Цюбінгенскага ўніверсітэта Эберхарда і Карла (Германія) і іншыя. Такое прадстаўніцтва абумоўлена ў тым ліку і тым, што ў 1921 годзе для фарміравання кадравага саставу БДУ былі прыцягнуты лепшыя адміністратары і педагогі таго часу з Беларусі, Расіі, Украіны і некаторых еўрапейскіх краін. Велізарная роля ў вырашэнні арганізацыйных пытанняў належала першаму рэктару БДУ, вядомаму гісторыку, прафесару МДУ Уладзіміру Іванавічу Пічэце. Пад яго непасрэдным кіраўніцтвам ішло станаўленне першага беларускага нацыянальнага ўніверсітэта.

Праца васьмі секцый пройдзе ў анлайн-фармаце 28 кастрычніка. Удзельнікі абмяркуюць актуальныя праблемы сучаснай гістарычнай навукі, адукацыі і гістарыяграфіі, традыцыі і інавацыі ў вывучэнні і выкладанні гісторыі Беларусі, разгледзяць сучасныя падыходы да гістарычнай рэканструкцыі і шэраг іншых пытанняў. Таксама тэмай для абмеркавання стане асоба першага рэктара БДУ Уладзіміра Пічэты, яго ўклад у станаўленне беларускага ўніверсітэта, закладзеныя ім веды і метадычныя падыходы да педагагічнай дзейнасці, якія дагэтуль вызначаюць прафесійны ўзровень выпускнікоў ВНУ.

Вынікам двухдзённай работы стане публікацыя зборніка навуковых дакладаў, які будзе даступны ў Электроннай бібліятэцы БДУ.

Арганізатарам канферэнцыі выступае гістарычны факультэт БДУ. 

Надзея НІКАЛАЕВА

Прэв’ю: pixabay.com

Выбар рэдакцыі

Грамадства

Феномен Максіма Багдановіча

Феномен Максіма Багдановіча

«Я ж кажу вам: добра быць коласам; але шчаслівы той, каму дадзена быць васільком. Бо нашто каласы, калі няма васількоў?»

Палітыка

Бяспраўе і несправядлівасць. Куды ўлады вядуць палякаў?

Бяспраўе і несправядлівасць. Куды ўлады вядуць палякаў?

Старшыня кіруючай кансерватыўнай партыі Польшчы «Права і справядлівасць» (ПіС) Яраслаў Качыньскі выказаўся наконт палітыкі Германіі.

Грамадства

Правільнае харчаванне дадому: даніна модзе або клопат аб здароўі?

Правільнае харчаванне дадому: даніна модзе або клопат аб здароўі?

Калі сфера дастаўкі гатовага харчавання перажыла бурны рост з пачаткам пандэміі, калі з офісаў вельмі многія перамясціліся ў кватэры, а пах

Палітыка

У адказе за гістарычную памяць

У адказе за гістарычную памяць

«Мы толькі цяпер пачынаем усведамляць і падыходзіць да ацэнкі рэальных маштабаў гібелі нашых людзей ад рук фашыстаў і іх памагатых у гады вайны».