Жыхар Мінскага раёна патрапіў на падроблены сайт банка і пазбавіўся грошай

Жыхар Мінскага раёна трапіўся на выкрут кіберзлачынцаў і пазбавіўся Br1200, паведамілі ва УУС Мінаблвыканкама.

«Мужчына, жадаючы аплаціць камунальныя паслугі, вырашыў скарыстацца паслугамі інтэрнет-банкінгу. Не пераканаўшыся ў правільнасці даменнага імя, жыхар Мінскага раёна перайшоў па першай актыўнай спасылцы, якая вядзе на інтэрнет-рэсурс банка, пасля чаго адкрыўся сайт, які з’яўляецца добра зробленай копіяй арыгінальнага. На фішынгавым сайце пацярпелы ажыццявіў увод лагіна/пароля доступу да асабістага кабінета, а таксама код пацверджанне аперацыі з пластыкавай карткі, выдадзенай банкаўскай установай», — распавялі ва УУС.

У той момант, калі ахвяра ўвяла дадзеныя і націснула на актыўную клавішу «Увайсці», персанальныя дадзеныя маментальна трапляюць у рукі зламыснікаў, пасля чаго яны выкрадаюць грашовыя сродкі з разліковых рахункаў банкаўскіх устаноў.

Як правіла, зламыснікі імкнуцца стварыць неадрозную копію інтэрнэт-рэсурсу банкаўскай установы, а пасля выводзяць дадзены рэсурс у топ-пазіцыі пошукавых запытаў у інтэрнэце. «Грамадзяне, не звяртаючы ўвагі на даменнае імя і назву інтэрнет-рэсурсу, ажыццяўляюць пераход і трапляюцца на выкрут кіберзлачынцаў», — сказалі праваахоўнікі.

Прэв’ю: pexels.com