Беларускія біятланісты занялі 12-е месца ў эстафеце на этапе Кубка свету

Беларуская каманда заняла 12-е месца ў мужчынскай эстафетнай гонцы 4×7, 5 км на сёмым этапе Кубка свету ў італьянскім Антхольцы, паведамляе БелТА.

На першым адрэзку Мікіта Лабастаў пры стральбе лежачы выкарыстаў два запасныя патроны, адзін раз прамахнуўся на «стойцы» і пятым перадаў эстафету Дзмітрыю Лазоўскаму. Ён двойчы прамахнуўся, страляючы лежачы, і быў дакладны пры стральбе стоячы. Аднак на стромкім віражы перад выхадам на фініш свайго этапу беларус не схлусіў з хуткасцю, вылецеў за межы трасы і толькі дзясятым адправіў на дыстанцыю Максіма Вераб’я. Свой адрэзак ён скончыў 15-м, а закончыў гонку лідэр беларускай каманды Антон Смольскі, ён фінішаваў на 12-й выніковай пазіцыі. Беларусы адсталі ад пераможцы эстафеты зборнай Нарвегіі на 4 хв 27,7 сек.

Нарвежцы былі па-за канкурэнцыяй, паказаўшы вынік 1 гадзіна 12 мін 14,7 сек., выкарыстаўшы толькі 4 дадатковых патрона на 8 агнявых рубяжах. 57,2 сек. адстала каманда Расіі, трэцімі фінішавалі біятланісты Германіі (+2 мін. 04,4 сек.).

У жаночай эстафеце 4×6 км, якая адбылася ўчора, беларуская каманда заняла 13-е месца.

Сёння ў заключнай гонцы гэтага кубкавага этапу – жаночым мас-старце – прымуць удзел дзве прадстаўніцы Беларусі-Дзінара Алімбекава і Ганна Сола.

Этап у Антхольцы з’яўляецца апошнім перад зімовымі Алімпійскімі гульнямі, які пройдуць у Пекіне з 4 па 20 лютага.

Прэв’ю: БелТА