Беларуская чыгунка інфармуе аб частковым аднаўленні работы сэрвісаў

Беларуская чыгунка інфармуе аб частковым аднаўленні работы сэрвісаў. Пра гэта паведамляе прэс-цэнтр магістралі

Афармленне электронных праязных дакументаў на цягнікі з нумараванымі месцамі і работа даведачных web-рэсурсаў Беларускай чыгункі адноўлены ў поўным аб’ёме.

Работы па аднаўленні магчымасці набыцця электронных праязных дакументаў на цягнікі з ненумараванымі месцамі працягваюцца. Аб іх завяршэнні будзе абвешчана дадаткова.

Падтрымка карыстальнікаў пры афармленні электронных праязных дакументаў ажыццяўляецца Кантакт-цэнтрам Беларускай чыгункі па тэлефоне 151 ці па электроннай пошце brail@rw.by.

Беларуская чыгунка прыносіць прабачэнні за дастаўленыя нязручнасці.

Сяргей РАСОЛЬКА

Прэв’ю: pixabay.com