Экалогія і закон. Адпачывайце без шкоды для прыроды!

Каб пасля вашага візіту рака ці лес не заплакалі горкімі слязьмі, выконвайце некалькі простых, але важных правіл, распрацаваных спецыялістамі Мінпрыроды.

• Адпачывайце ў спецыяльна абсталяваных зонах і месцах.
• Пры адпачынку на асабліва ахоўных прыродных тэрыторыях (у нацыянальным парку, заказніку, запаведнік) выконвайце іх рэжым аховы і выкарыстання. Штраф за яго парушэнне можа скласці да 500 базавых велічынь.
• Паркуйце машыну ў спецыяльна прадугледжаным для гэтага месцы ці не бліжэй за 30 м ад берагавой лініі. Нельга мыць машыны ў межах водаахоўных зон. Штраф да 50 базавых велічынь.
• Не пашкоджвайце жывое наглебавае покрыва, напрыклад, пратэктарамі шын. Штраф да 20 базавых велічынь— Не раскладайце агонь у забароненых месцах. Раскладайце вогнішча па правілах, а лепш выкарыстоўваце мангал. За невыкананне гэтых патрабаванняў прадугледжаны штраф да 30 базавых велічынь.
• Не сячыце і не знішчайце расліннасць. Прывозьце дровы і вугаль з сабой. У адваротным выпадку вас можа чакаць штраф да 300 базавых велічынь.

• Не прычыняйце шкоды жывёлам і раслінам і не забірайце жывёл з сабой. Штраф за парушэнне прыродаахоўнага заканадаўства — да 500 базавых велічынь.
• Не чапайце мурашнікі, гнёзды, норы і іншае жыллё дзікіх жывёл. Штраф за гэтыя дзеянні — да 500 базавых велічынь.
• Прыбірайце за сабой смецце. (Штраф за парушэнне — да 1000 базавых велічынь.)