У Вялікай Айчыннай вайне беларусы абаранялі не толькі сваё жыццё, але і памяць аб мінулых пакаленнях. Аб гэтым Прэзідэнт Беларусі Аляксандр Лукашэнка заявіў 2 ліпеня на ўрачыстым сходзе з нагоды Дня Незалежнасці, перадае БелТА.
Кіраўнік дзяржавы адзначыў, што ў Вялікай Айчыннай вайне беларусы абаранялі не толькі сваё жыццё, але і памяць аб мінулых пакаленнях, якая была б проста выкраслена з сусветнай гісторыі.
«Гэта была вайна на знішчэнне славянскага этнасу, культур і цэлых народаў. І сёння мы ўсё часцей гаворым пра тое, што яна, гэтая вайна, не скончылася. Не скончылася, таму што мы ўсё яшчэ не перапахавалі апошняга ваяра, які загінуў, і апошняга мірнага жыхара, які быў па-зверску забіты ў той вайне. І таму што не ўсе, хто быў датычны да жахлівых фактах той вайны, генацыду беларускага народу, асуджаныя. Яна, гэтая вайна, не скончылася, таму што мы зноў, як на фронце, абараняем сваю гістарычную памяць», — падкрэсліў Аляксандр Лукашэнка.
Пры гэтым Прэзідэнт звярнуў увагу: самы небяспечны ў гэтай перш за ўсё ідэалагічнай вайне вораг не знешні. «Вытокі заходняга рэваншызму відавочныя і зразумелыя. Здрада. Здрада і абыякавасць сваіх – гэта самы страшны наш вораг», — заявіў ён.
Прэв’ю: БелТА
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
