Да 31 снежня гэтага года ўстаноўлены мараторый на прымяненне мер адказнасці за невыкарыстанне электронных накладных пры абароце тавараў, якія падлягаюць маркіроўцы і прасочвальнасці, паведамляе БелТА са спасылкай на МПЗ.
«У час дзеяння мараторыя суб’екты гаспадарання, якія ажыццяўляюць абарот тавараў, што падлягаюць маркіроўцы і (або) прасочвальнасці, змогуць сканцэнтраваць існуючыя рэсурсы на вырашэнні першачарговых задач па забеспячэнні вытворчай дзейнасці», — сказаў першы намеснік міністра па падатках і зборах Ігар Клепча.
Паводле яго слоў, мараторый стварае дадатковыя спрыяльныя ўмовы для ўкаранення таварна-транспартных і таварных накладных у выглядзе электронных дакументаў, перабудовы і наладжвання існуючых бізнес-працэсаў, навучання работнікаў і асваення імі новых навыкаў работы ў інфармацыйных сістэмах, у тым ліку атэставаных EDI — правайдараў.
Мараторый уведзены ў рамках рэалізацыі комплекснага плана па падтрымцы эканомікі.
Прэв’ю: БелТА
Сумесныя праекты ядзерных тэхналогій.
