Сталічная падатковая інспекцыя нагадвае ўсім суб’ектам гаспадарання, што ўстаноўлены новыя патрабаванні да касавага абсталявання. Калі касавае абсталяванне, якое выкарыстоўваецца ў цяперашні час, не можа быць дапрацавана да адпаведнасці новым патрабаванням, то суб’ектам гаспадарання неабходна набыць новую мадыфікацыю касавага апарата альбо новую мадэль праграмнай касы, якія адпавядаюць новым патрабаванням.
Пэўным плацельшчыкам падаткаў неабходна загадзя пачаць работу па абнаўленні касавага абсталявання, якое выкарыстоўваецца ў гандлёвых аб’ектах. «Асаблівую ўвагу на неабходнасць абнаўлення касавага абсталявання рэкамендую звярнуць суб’ектам гаспадарання, якія ажыццяўляюць рэалізацыю тавараў, што падлягаюць маркіроўцы сродкамі ідэнтыфікацыі і ўніфікаванымі кантрольнымі знакамі», — адзначыла намеснік начальніка інспекцыі МПЗ па горадзе Мінску Вольга Тарасевіч.
Важна! Пералікі тавараў, якія падлягаюць вышэйзгаданай маркіроўцы, зацверджаны пастановай Савета Міністраў Рэспублікі Беларусь ад 29.07.2011 г. № 1030 «Аб таварах, якія падлягаюць маркіроўцы».
Так, для юрыдычных асоб і індывідуальных прадпрымальнікаў, якія рэалізоўваюць такія тавары, уводзіцца абавязак выкарыстоўваць касавыя апараты і праграмныя касы, якія забяспечваюць: дыферэнцыраваны ўлік даных аб рэалізацыі тавараў; счытванне кода маркіроўкі і ўнікальнай паслядоўнасці знакаў у машыначытальнай форме і перадачу інфармацыі пра іх у сістэму кантролю касавага абсталявання. На афіцыйным сайце Міністэрства па падатках і зборах nalog. gov. by ў раздзеле «Інспекцыя МПЗ па горадзе Мінску» можна знайсці больш падрабязную інфармацыю.
Сяргей КУРКАЧ
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
