Вы тут

«Праменад» пракладае маршруты па культурным Мінску


Плануючы свае выхадныя, варта ўключыць тэлеканал «Беларусь 1». Кожную пятніцу а шостай гадзіне ў «Навінах рэгіёна» карэспандэнты Агенцтва тэленавін Лідзія Заблоцкая і Дар'я Тарасава будуюць маршрут па культурным Мінску. І, як кажа Лідзія Заблоцкая, «паказваем гледачу, дзе ён можа дыхаць мастацтвам у суботу і нядзелю».


Фота: pixabay.com

Рубрыка «Праменад» уключае, як правіла, тры анонсы запланаваных падзей. «Уся «духоўная ежа» выключна свежая. Гэта новыя выставы, прэм'ерныя пастаноўкі і эксклюзіўныя запісы генеральных рэпетыцый. У адрозненне ад тэлеграм-каналаў, газет, інфармацыі на сайтах мы — з дапамогай відэа — робім своеасаблівае прэв'ю прэм'ер. Мы «папаўняем» падрабязныя аўтарскія назіранні каментарыямі стваральнікаў, куратараў і саміх мастацтвазнаўцаў. Так, за пяць хвілін, якія глядач бачыць у эфіры, ён атрымлівае паўнавартасны «Праменад», — расказвае аўтар рубрыкі Лідзія Заблоцкая.

Журналістка прызнаецца, што гэта работа выключна дзеля задавальнення: «Мы трапляем фактычна на творчую «кухню». Калі карціны «па нітцы» збіраюцца ў выставу, калі куратар яшчэ фармулюе сваю канцэпцыю, калі акцёры толькі пачынаюць іграць, і выходзіць канчатковы прадукт у выглядзе спектакля». Усе гэтыя магічныя працэсы карэспандэнт і аператар фіксуюць першымі. Лідзія жартам называе сябе і сваю калегу піяршчыкамі культурнага жыцця Мінска. «Наша задача: заматываваць гледача ўстаць з канапы. І прэзентаваць яму дастойныя падзеі так, каб ён захапіўся і знайшоў, чым натхніцца», — сур'ёзна тлумачыць яна.

Па словах Лідзіі, працуючы ў аддзеле культуры АТН, не раз даводзілася сутыкацца з меркаваннямі з разраду: «культурнае жыццё сталіцы даўно адкіпела», «абстракцыя мастакоў бессэнсоўная», «перавяліся ўжо Савіцкія ды Азгуры», «ну што ўвогуле глядзець у гэтым тэатры». «У «Праменадзе» мы даём своеасаблівыя аргументы супраць такіх меркаванняў.
З маіх асабістых рэкамендацый — не крытыкаваць Купалаўскі, а самому ацаніць іх ашаламляльную «Жаніцьбу». Як прыклад. А яшчэ зазірнуць у госці ў Нацыянальны мастацкі. Іх канцэптуальныя экспазіцыі не горшыя за тыя, што прадстаўляюць у Траццякоўцы», — раіць Лідзія Заблоцкая.

Дарэчы, тым, хто прывык атрымліваць інфармацыю ў тэлеграм-каналах, варта звярнуць увагу на канал «Что-то на культурном». Лідзія Заблоцкая і Дар'я Тарасава вырашылі запрасіць на свой «Праменад» як мага больш людзей і цяпер, акрамя рубрыкі, расказваюць пра культурныя падзеі і ў тэлеграме. І адначасова даказваюць, што культурнае жыццё ў сталіцы квітнее.

Валерыя СЦЯЦКО

Выбар рэдакцыі

Рэгіёны

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Як мы бярозавік куплялі на гандлёвай пляцоўцы лясгаса і ў лясніцтве

Культура

Анатоль Ярмоленка: Нас натхняе беларуская паэтычная класіка

Анатоль Ярмоленка: Нас натхняе беларуская паэтычная класіка

Творчая вечарына народнага артыста Беларусі прайшла ў адной з мінскіх гімназій.