Збіраць доказы, прыкмячаць дэталі, маляваць следавую карціну... Змадэляваныя месцы здарэнняў і супрацьпраўных дзеянняў адпрацавалі маладыя следчыя Гомельшчыны. Упраўленне Следчага камітэта Беларусі па Гомельскай вобласці правяло маштабны вучэбна-метадычны збор для супрацоўнікаў, якія менш года на службе.
На адным з навучальных месцаў змадэлявана сітуацыя выяўлення цела чалавека са слядамі гвалтоўнай смерці.
Ачэпленая тэрыторыя на беразе ракі імітуе трагічны фінал п’яных «пасядзелак»: сляды распівання алкаголю, адпачынку кампаніі, але тут жа і «труп» і меркаваная «прылада забойства». Відавочныя і ўтоеныя дэталі здзяйснення злачынства, базавыя лініі і ўмоўныя кропкі — аб’екты — «прывязкі», якія дапамогуць потым маладым следчым найбольш дакладна перадаць следавую карціну.
— Важна, што гэтае змадэляванае месца злачынства можна інтэрпрэтаваць на розныя выпадкі, якія трэба будзе адпрацоўваць следчым у рэальнай практыцы. Гэта могуць быць хуліганскія дзеянні на прыродзе, незаконная здабыча рыбы і многія іншыя супрацьпраўныя дзеянні, якія былі ўчынены ў месцах, дзе цяжка фіксаваць тэрыторыю агляду. Дзякуючы таму, што маладыя следчыя адпрацуюць тут важныя практычныя навыкі, яны змогуць на любым месца здарэння — будзе гэта поле, лес, бераг ракі — змогуць нашмат лягчэй арыентавацца, — тлумачыць часова выконваючы абавязкі на пасадзе начальніка крымінальнага аддзела УСК па Гомельскай вобласці Андрэй Кашэвіч.
Дасведчаны следчы дае і дадатковыя ўступныя маладым супрацоўнікам:
— Цяпер яны адпрацоўваюць месца здарэння без іншых спецыялістаў, таму звяртаем увагу на абавязковыя задачы, якія трэба вырашыць на месцы здзяйснення рэальнага злачынства. Важна ўмець дакладна фіксаваць месца здарэння і для далейшай зверкі паказанняў падазронага і сведках.
На гэтым навучальным «квадраце» удалося ацаніць працу маладога следчага Гомельскага гарадскога аддзела СК Кацярыны Смарчковай. Родам з Буда-Кашалёўскага раёна, таму падчас размеркавання, прызнаецца, многія раілі прасіцца на службу ў свой раён:
— Маўляў, там спакайней, менш нагрузка, але я свядома пайшла туды, дзе больш працы, хачу цяжкасці, — дзеліцца Кацярына. — Малады супрацоўнік як губка, усё ўбірае, таму яму для працы распісваюць розныя катэгорыі спраў, каб малады следчы мог сябе паспрабаваць у розных кірунках. Я зразумела, што мне падабацца, напрыклад, даследаваць справы аб хуліганстве, сітуацыі бываюць вельмі складаныя і неадназначныя.
На другім навучальным «квадраце» — месца смяротнай аварыі — з маладымі калегамі працуе следчы па асабліва важных справах следчага ўпраўлення УСК Максім Гузяеў. Вельмі важна дэталёва зафіксаваць размяшчэнне аб’ектаў і ўсіх дэталяў карціны месца ДТЗ, каб потым паставіць выразныя пытанні перад экспертамі-крыміналістамі, звяртае ўвагу дасведчаны следчы УСК, які на службе спецыялізуецца на расследаваннях спраў аб ДТЗ.
Размяшчэнне цела «загінулага» па легендзе пад коламі аўтамабіля, вывучае малады супрацоўнік Дзяніс Міхальчанка. Следчы Гомельскага гарадскога аддзела СК толькі прыступіў да службы.
— Вучыўся завочна ва ўніверсітэце, потым служыў ва ўнутраных войсках, быў у судовым канвоі, — з дазволу старэйшага дае невялікае інтэрв’ю малады следчы. — У мяне была мара ўсяго жыцця служыць у СК, таму пасля войска працягнуў вучыцца, навучальную практыку праходзіў у сваім цяперашнім аддзеле. Як пазаштатны супрацоўнік у групе стажыроўкі на добраахвотных пачатках папрацаваў каля паўгода. Прайшоўшы ўсе гэтыя прыступкі, стаў следчым.
Падзенне «пацярпелага» з вышыні пры правядзенні рамонтных работ на няправільна ўсталяваных будаўнічых лясах — «легенда» чарговага навучальнага месца. На ім змадэлявана сітуацыя атрымання вытворчай траўмы. Дзеліцца досведам адпрацоўкі такіх месцаў здарэнняў з маладымі калегамі намеснік начальніка аддзела ўпраўлення працэсуальнага кантролю Раман Якімец.
Суразмоўца адзначае, — акалічнасці атрымання вытворчай траўмы вельмі розныя. На падобным месцы здарэння, важна сабраць як мага больш аб звестак пра сітуацыю, якая адбылася. На асаблівым кантролі падчас адпрацоўкі навучальнага месца — уменне маладых следчых камунікаваць, збіраць інфармацыю.
— Для маладога супрацоўніка вядома вельмі важны прыклад практычных навыкаў ад старэйшых калег, — карыстаецца магчымасцю і дзякуе свайму калектыву за падтрымку і дапамогу следчы Чачэрскага РАСК Мікіта Секунаў. Малады супрацоўнік за першы тыдзень працы змог годна прыняць «баявое хрышчэнне» — адпрацаваў два вельмі складаныя выезду на здарэнні са смяротным зыходам.
Як адзначыла намеснік начальніка аддзела аналізу практыкі і метадычнага забеспячэння папярэдняга расследавання УСК Яўгенія Чыкунова, падчас збору маладыя следчыя могуць прайсці таксама практыка-арыентаваныя заняткі па расследаванні злачынстваў у сферы інфармацыйных тэхналогій, атрымаць новыя веды па медыцынскай і псіхалагічнай падрыхтоўцы.
Ужо не першы год Упраўленне Следчага камітэта Беларусі па Гомельскай вобласці арганізуе для маладых супрацоўнікаў следчых падраздзяленняў вобласці такія вучэбна-метадычныя заняткі. Галоўная зада — дапамагчы следчым, якія толькі паступілі на службу, у тым ліку, выпрацаваць алгарытмы ўзаемадзеяння з органамі дазнання і экспертамі на месцы здарэння.
— Зрабіць усё магчымае, каб для маладых следчых пераход ад тэарэтычных ведаў да практычнай службы прайшоў хутка, спакойна, прафесійна, — падкрэсліў падчас адкрыцця вучэбна-метадычнага збору начальнік УСК па Гомельскай вобласці Сяргей Удовікаў.
Кіраўнік ведамства ў рэгіёне нагадаў аб значнай рабоце па падтрымцы маладых супрацоўнікаў, якую праводзіць Следчы камітэт Беларусі:
— Навучальны збор — адзін са спосабаў папрацаваць з маладымі следчымі. Пройдзе зусім няшмат часу і ад іх рашэнняў будзе залежыць лёс людзей. Таму вельмі важна, каб гэтыя рашэнні былі прафесійныя, граматныя і, самае галоўнае, годныя і ўзважаныя, — зазначыў Сяргей Удовікаў.
Між тым па выніках вучэбна-метадычных збораў следчых Гомельшчыны былі адзначаны імёны маладых супрацоўнікаў, якія найбольш вызначыліся пры адпрацоўцы вучэбных месцаў здарэнняў і ўдзеле ў спартыўнай-масавай праграме заняткаў. Дыплом I ступені для калектыву Рэчыцкага РАСК заваявала малады следчы Ксенія Карпенка, другое месца — за Данілам Багатавым, які на зборах прадстаўляў Жлобінскі РАСК, дыпломам III ступені ўзнагароджаны малады супрацоўнік Чачэрскага РАСК Мікіта Секунаў.
Наталля КАПРЫЛЕНКА
Фота: УСК па Гомельскай вобласці
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
