Сістэма адукацыі гатова да правядзення выніковай атэстацыі адзінаццацікласнікаў у новым фармаце. Пра гэта журналістам заявіла намесніца начальніка галоўнай управы агульнай сярэдняй, дашкольнай і спецыяльнай адукацыі — начальніца ўправы агульнай сярэдняй адукацыі Міністэрства адукацыі Ірына Каржова, паведамляе БелТА.
«Сістэма адукацыі ў цэлым гатова да правядзення выніковай атэстацыі адзінаццацікласнікаў у новым фармаце. Падрыхтавана ўся неабходная нарматыўная прававая база, правілы правядзення атэстацыі навучэнцаў, інструкцыя па арганізацыі і правядзенні цэнтралізаванага экзамену, зацверджаны пункты правядзення ЦЭ. Усяго іх будзе 144 пункты, з іх 30 размесцяцца на базе ўстаноў вышэйшай адукацыі, 60 — на базе ўстаноў прафесійнай адукацыі і 54 пункты — на базе ўстаноў агульнай сярэдняй адукацыі — гэта школы, гімназіі, ліцэі», — распавяла Ірына Каржова.
Таксама вызначаны арганізацыйныя камісіі, якія будуць займацца непасрэдна правядзеннем ЦЭ. «Ва ўстановах адукацыі створаны камісіі, якія займаюцца рэгістрацыяй вучняў 11-х класаў для ўдзелу ў цэнтралізаваным экзамене. Акрамя таго, вызначаны даты цэнтралізаванага экзамену: 14 мая і 21 мая — асноўныя тэрміны. Акрамя асноўных тэрмінаў прадугледжана некалькі рэзервовых дзён. Першы рэзервовы дзень — 23 мая — руская або беларуская мова (па выбары навучэнца), 25 мая можна будзе здаць прадмет па выбары. Для навучэнцаў, якія па ўважлівай прычыне не змаглі прайсці ЦЭ ў маі ў асноўныя тэрміны і рэзервовыя дні, прадугледжаны іншыя тэрміны для правядзення цэнтралізаванага экзамену. Першы іншы тэрмін будзе ў ліпені, ён супадае з рэзервовымі днямі правядзення цэнтралізаванага тэсціравання. Другі іншы тэрмін прадугледжаны ў жніўні: 21 і 23 жніўня», — адзначыла прадстаўнік Міністэрства адукацыі.
Прэв’ю: БелТА
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
