Вызначаны парадак арганізацыі харчавання педагагічных і іншых работнікаў устаноў адукацыі

Пастановай Савета Міністраў Рэспублікі Беларусь ад 31 мая 2023 г. № 356 «Аб парадку арганізацыі харчавання педагагічных і іншых работнікаў устаноў адукацыі» вызначаюцца парадак арганізацыі харчавання педагагічных і іншых работнікаў устаноў дашкольнай адукацыі, агульнай сярэдняй адукацыі (акрамя вучылішчаў алімпійскага рэзерву), спецыяльных дзіцячых садзікаў, спецыяльных школ, спецыяльных школ-інтэрнатаў, цэнтраў карэкцыйна-развіццёвага навучання і рэабілітацыі, спецыяльных вучэбна-выхаваўчых і спецыяльных лячэбна-выхаваўчых устаноў, якія фінансуюцца з рэспубліканскага або мясцовых бюджэтаў на гэтыя мэты, памер і парадак спагнання платы за харчаванне з работнікаў устаноў адукацыі.

Згодна з дакументам, работнікам устаноў адукацыі прадастаўляецца аднаразовае харчаванне па іх жаданні за плату.

Для арганізацыі харчавання работнікаў устаноў адукацыі выкарыстоўваецца абслугоўванне ў форме папярэдняй замовы ў адпаведнасці з прыкладнымі двухтыднёвымі рацыёнамі харчавання, якія распрацоўваюцца для харчавання навучэнцаў старшай узроставай групы адпаведнага тыпу і віду ўстановы адукацыі.

Плата з работнікаў устаноў адукацыі за харчаванне спаганяецца ў памеры 100 працэнтаў ад дзеючых грашовых норм выдаткаў на харчаванне ў дзень на аднаго навучэнца старшай узроставай групы адпаведнага тыпу і віду ўстановы адукацыі з улікам павышаючага каэфіцыента ў выпадку, калі яго прымяненне прадугледжана заканадаўствам у сферы арганізацыі харчавання ва ўстановах адукацыі.

Пры разліку платы за харчаванне не ўлічваюцца дні, калі работнікі ўстаноў адукацыі не атрымлівалі харчавання.

Плата за фактычна прадастаўленае харчаванне ўносіцца работнікамі ўстаноў адукацыі штомесяц не пазней за 25-е чысло бягучага месяца на бягучыя (разліковыя) банкаўскія рахункі па ўліку бюджэтных і іншых дзяржаўных сродкаў арганізацый, якія вызначаюцца заснавальнікамі ўстаноў адукацыі і (або) абласнымі (Мінскім гарадскім) выканаўчымі камітэтамі ў адпаведнасці з бюджэтным заканадаўствам.

Па пісьмовай заяве работніка ўстановы адукацыі плата за харчаванне можа ўтрымлівацца наймальнікам з яго заработнай платы.

Надзея НІКАЛАЕВА

Прэв’ю: pexels.com