Тэмпература вады ў вадаёмах Беларусі крыху павысіцца, паведамляе БелТА са спасылкай на Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У мінулы перыяд на рэках Беларусі назіраўся спад узроўняў вады, у выніку чаго вада ўвайшла ў рэчышча на Прыпяці на ўчастку Мазыр — Нароўля, а на Бярэзіне каля Бабруйска пагоршыліся ўмовы для суднаходства. Цяпер на рэках прадаўжаецца спад узроўняў вады з інтэнсіўнасцю да 12 см у суткі.
«На Нёмане каля Гродна, Дняпры — каля Магілёва, Бярэзіне — каля Бабруйска, Сожы — каля Крычава і Слаўгарада ўзроўні вады знаходзяцца ніжэй за адзнакі, якія лімітуюць суднаходства. Вада знаходзіцца на пойме на прытоку Прыпяці рацэ Стыр каля вёскі Лапаціна. Тэмпература вады ў вадаёмах краіны знаходзіцца ў межах ад плюс 11 да плюс 20 градусаў», — расказалі ў Белгідрамеце.
У бліжэйшую пяцідзёнку, паводле інфармацыі гідролагаў, на рэках Беларусі будзе назірацца ў асноўным спад узроўняў вады, тэмпература ў вадаёмах крыху павысіцца.
Прэв’ю: БелТА
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
