Вы тут

Вызначана методыка разліку гранічных адпускных цэн вытворцаў на лякарствы


Міністэрства антыманапольнага рэгулявання і гандлю зацвердзіла інструкцыю аб методыцы разліку гранічных адпускных цэн вытворцаў на лекавыя прэпараты. Гэта прадугледжана пастановай нумар 45 ад 11 ліпеня 2023 года, паведамляе БелТА са спасылкай на Нацыянальны прававы інтэрнэт-партал.


Фота: pixabay.com

Дакумент датычыцца разліку цэн на прэпараты, уключаныя ў пералік лекавых прэпаратаў, гранічныя адпускныя цэны на якія падлягаюць рэгістрацыі, вызначаны пастановай урада ад 31 кастрычніка 2018 года нумар 776.

Згодна з пастановай гранічная адпускная цана вызначаецца як сярэдняя велічыня, разлічаная з сярэднеўзважанай фактычнай адпускной (кантрактнай) цаны вытворцы на лекавы прэпарат, які знаходзіцца ў абарачэнні ў Беларусі, а таксама сярэдняга арыфметычнага значэння мінімальных адпускных цэн вытворцы (без уліку вытворчых пляцовак, што ўдзельнічаюць у працэсе вытворчасці) на лекавы прэпарат у краінах па ўстаноўленым пераліку.

Інструкцыяй замацаваны пералік дзяржаў, звесткі аб мінімальных адпускных цэнах у якіх выкарыстоўваюцца пры разліку. У яго ўвайшлі: Бельгія, Балгарыя, Венгрыя, Грэцыя, Казахстан, Латвія, Літва, Польшча, Расія, Румынія, Славакія, Францыя, Чэхія, краіна ўдзельніка вытворчасці - вытворцы нерасфасаванай прадукцыі.

У МАРГ адзначылі, што гранічная адпускная цана вытворцы на лекавы прэпарат пры яе рэгістрацыі не можа перавышаць мінімальнае значэнне, разлічанае ў адпаведнасці з інструкцыяй.

Акрамя таго, таксама прадугледжаны разлік гранічнай адпускной цаны на лекавы прэпарат у выпадку змянення зарэгістраванай гранічнай адпускной цаны ў адпаведнасці з палажэннем аб парадку рэгістрацыі гранічных адпускных цэн вытворцаў на лекавыя прэпараты, зацверджаным пастановай Саўміна ад 6 ліпеня 2023 года нумар 444.

Пастанова ўступае ў сілу пасля яе афіцыйнага апублікавання.

Выбар рэдакцыі

Грамадства

 Для чаго Аляксей Хомчык стаў урачом?

Для чаго Аляксей Хомчык стаў урачом?

«Дзядзька Васіль загінуў, ты павінен працягнуць яго справу. Ты добра вучышся, павінен стаць доктарам».

Грамадства

Буякі, суніцы і лісічкі — прыцэньваемся да падарункаў чэрвеня

Буякі, суніцы і лісічкі — прыцэньваемся да падарункаў чэрвеня

«Ёсць і імпартныя, іспанскія — яны па-ранейшаму ў раёне 70 рублёў за кіло, 30 рублёў — кантэйнер».

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў.