21-22 ліпеня ў горадзе Глыбокае пройдзе ХI «Вішнёвы фестываль». У праграме гэтага года як традыцыйныя, так і новыя мерапрыемствы.
Глыбоччына падрыхтавала для наведвальнікаў вішневага свята насычанаю і цікавую праграму. У першы дзень фестывалю, 21 ліпеня, адбудзецца гашэнне паштовай маркі ў гонар «Вішнёвага фестывалю» спецыяльным паштовым штэмпелем, прэстыж-сустрэча з Вішневай каралевай і конкурс паветраных змеяў. Акрамя гэтага, цікавым баўленнем часу для моладзі стане інтэрактыўнае гарадское арыентаванне і анлайн майстар-класс па «маляванке» ад народнага майстра Беларусі Святланы Скавырка. У гэты ж дзень адбудзецца і ўрачыстае адкрыццё фестывалю, вячэрні канцэрт «Віват, Вішня!» з удзелам калектываў Cherry Town (Глыбокае) і «8-ой регион» (Бягомль).
Наступны дзень не менш насычаны мерапрыемствамі. Пачнецца заключны дзень фестывалю ўрачыстым шэсцем «У гасцях у Вішні», працягнецца гала-канцэртам, удзел у якім прымуць творчыя калектывы Беларусі, Дагестана, Кітая, Карэі, Малдовы і Расіі. Госці і жыхары горада пабачаць традыцыйныя мерапрыемствы – такія, як святочная рэгістрацыя шлюбу «Вішневае вяселле» і конкурс гарманістаў, баяністаў, акардэаністаў «Вішнёвыя найгрышы». Усе жадаючыя змогуць паспрабаваць варэнне з сапраўднай глыбоцкай вішні на конкурсе-дэгустацыі. Упершыню адбудзецца камандная гульня «Вішнёвая мафія». Завяршыцца свята канцэртам беларускай артысткі Улады, «вішнёвым» салютам і дыскатэкай на Цэнтральнай плошчы горада. Падчас фестывалю будуць працаваць падвор’і, выстаўка-ярмарка народных майстроў, работа дзіцячых атракцыёнаў.
«Вішнёвы фестываль» пройдзе ў Глыбокім ужо ў адзінаццаты раз. У 2017 годзе ён атрымаў статус міжнароднага свята. У 2013 годзе ў горадзе з’явілася скульптура вішні, у 2018-м на беразе возера Кагальнай у цэнтры Глыбокага — рэзідэнцыя «Вішнёвай каралевы».
Нягледзячы на тое, што свята пачнецца толькі ў пятніцу, жыхары разам з мясцовай уладай ужо актыўна да яго рыхтуюцца. Па ўсім горадзе размешчаны каляровыя вывескі, «чакаюць» гасцей і два помніка вішне. Амаль у кожным глыбокскім падвор’і можна знайсці дрэвы з гэтай прыгожай, сочнай і смачнай ягадай. Здаецца, што ахарактарызаваць надыходзячае свята можна такімі эпітэтамі — прыгожае, сочнае і «смачнае»!
Кацярына КУРДО
Фота аўтара
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».