На мажорнай ноце ў сталічным Палацы мастацкай гімнастыкі скончыўся турнір па самым грацыёзным відзе спорту. У заключны дзень спаборніцтваў дзяўчаты разыгралі медалі ў асобных відах праграмы.
Лідар беларускай зборнай Аліна Гарнасько была найлепшай у практыкаванні з мячом. У кампазіцыі з булавамі яна стала сярэбраным прызёрам. А выступленні з абручом і стужкай прынеслі Аліне бронзавыя медалі.
«Вельмі шмат эмоцый, і яны яшчэ не хутка прыйдуць у норму. Задаволена сваім сённяшнім выступленнем. У мнагабор’і ў мяне былі памылкі, але зараз я выйшла і выправіла іх. Трэнеры мной задаволены», — падзялілася ў размове з журналістамі Аліна Гарнасько.
Яшчэ адна беларуска Лізавета Зоркіна стала бронзавым прызёрам па выніках праграмы з мячом.
У групавых практыкаваннях беларускія гімнасткі перамаглі ў кампазіцыі з пяццю мячамі. Дзяўчаты таксама заваявалі «серабро» ў практыкаванні з пяццю скакалкамі.
«Гэта старт, да якога мы ішлі два гады. Ён быў вельмі важны для нас. У сувязі з тым, што адбываецца па-за спортам, мы не можам выступаць на буйных спаборніцтвах, таму для нас II Гульні краін СНД — самыя буйныя і важныя спаборніцтвы на гэтым этапе», — падзяліліся сваімі эмоцыямі «залатыя» дзяўчынкі.
За выступленнем гімнастак з трыбун сачыла галоўны кумір усіх гімнастак – алімпійская чэмпіёнка Аліна Кабаева.
Валерыя СЦЯЦКО
Фота Віктара ІВАНЧЫКАВА
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.