Спатрэбіцца: фасоля кансерваваная — 400 г; памідор — 1 шт.; кукуруза кансерваваная — 200 г; вяндліна (або вараная каўбаса) — 150 г; зяленіва; хлеб белы — 2 лустачкі; часнок — 2 зубкі; маянэз; соль і чорны молаты перац — на смак.
З фасолі зліць вадкасць. Можна выкарыстоўваць вараную фасолю. Вяндліну ці каўбасу парэзаць саломкай. Памідор парэзаць кубікам. Зяленіва здрабніць. Усё змяшаць у місцы, дадаць сечаны часнок. З кукурузы зліць вадкасць, дадаць да інгрэдыентаў. Пасаліць, паперчыць, заправіць маянэзам, змяшаць.
Хлеб парэзаць кубікамі, падсушыць на патэльні з алеем ці без, па жаданні. Салату выкласці ў салатнік, зверху сухарыкі. Перад падачай змяшаць.
Спатрэбіцца: мінтай —1 кг; цыбуля — 4 шт.; салодкі перац — 2 шт.; часнок — 4 зубкі; гарчыца — 1 ч. л.; алей — 4 ст. л.; лімонны сок — 2 ст. л.; зяленіва свежае, спецыі, соль, перац — на смак.
З духмяных траў не забудзьцеся ўзяць да рыбы арэгана, сумесь перцаў.
Тушкі прамываем, наразаем парцыённымі кавалачкамі.
Салодкі перац рэжам буйнымі кавалачкамі, цыбулю — чацвярцінамі.
Складваем у адну ёмістасць салодкі перац, адну цыбуліну, часнок, зяленіва і перабіваем у соус з дапамогай блэндара. Запраўляем соллю і сумессю перцаў, арэгана і іншымі спецыямі, гарчыцай і лімонным сокам, алеем.
Заліваем марынадам рыбу і добра змешваем рукамі, уціраем соус у рыбу.
Тры цыбуліны рэжам паўкольцамі і абсмажваем да мяккасці ў патэльні. Выкладваем у форму для запякання.
Зверху цыбулі выкладваем рыбу і заліваем марынадам.
Выпякаем пры 200 градусах каля 30 хвілін.
Спатрэбіцца: кабачкі — 2 кг; рэпчатая цыбуля — 600 г; салодкі перац — 600 г; памідоры — 1 кг. Для марынаду: алей — 200 мл; цукар — 100 г; соль — 2 ст. л.; воцат 9 % — 100 мл; таматная паста — 3 ст. л.
Кабачкі, перац наразаем саломкай, цыбулю — паўколамі, памідоры — на долькі. Усе інгрэдыенты марынаду злучаем у глыбокай каструлі і даводзім да кіпення на сярэднім агні, кладзём кабачкі і, памешваючы, варым 10 хвілін, далей ідзе цыбуля, варым 5 хвілін, далей перац, варым 5 хвілін, і, нарэшце, памідоры. Падчас варкі ўвесь час памешваем драўлянай лапаткай. Гарачы салат раскладваем па стэрылізаваных слоіках, закручваем, пераварочваем вечкам уніз і ў такім выглядзе даём астыць пры пакаёвай тэмпературы. Захоўваем у прахалодным месцы.
Часам бывае вельмі крыўдна, калі ў назапашаных сухафруктах выяўляецца няпрошаная жыўнасць — фруктовая моль. Каб гэтага не адбылося і запасы засталіся цэлымі, можна паспрабаваць іх закансерваваць.
Насушаныя на працягу сезона сухафрукты спачатку складваем у слоікі, закрываем капронавым вечкам.
Калі сезон сушкі ўжо скончыўся, высыпаем з слоікаў усё змесціва, уважліва яго аглядаем, складваем на бляху і ставім у духоўку з тэмпературай 250-280 градусаў на 4-5 хвілін. Гэта робіцца для таго, каб знішчыць імаверную жыўнасць, якая зарадзілася за лета.
Прапараную сумесь ссыпаем з бляхі і, як толькі трохі астыне, запаўняем 3-літровыя слоічкі і закручваем бляшаныя вечкі.
Класці можна і ў меншыя слоічкі па меры спажывання і ў залежнасці ад складу сям'і. Такія слоічкі могуць захоўвацца некалькі гадоў пры пакаёвай тэмпературы. Ніхто там не завядзецца і водар у сухафруктаў будзе выдатны.
Незалежна ад таго, наколькі ён малюсенькі, любы балкон валодае вялікім дызайнерскім патэнцыялам. Калі справа даходзіць да мэблі, усё залежыць ад таго, што вы хочаце зрабіць з прасторай балкона. Балконы бываюць розных формаў і памераў, але незалежна ад памеру ці месцазнаходжання трэба разумна выкарыстоўваць тую плошчу, што ў вас ёсць. Самае зручнае — зрабіць здымныя ці адкідныя столікі для балкона сваімі рукамі, хоць ёсць і іншыя цікавыя рашэнні.
Цэны на кірмашах сёлета сапраўды значна ніжэйшыя, чым на пастаянных рынках.
Кожны год навукоўцы знаходзяць новую суперсілу амегі.
З рэжысёрам «Кіношнікаў» — наша размова пра мары і іх увасабленне ў рэальнасць.
Хто здолее змяніць гісторыю ці змяніцца пад яе ўплывам?
