Гэта далёка не класічны амлет, да якога мы так абвыклі, а самы сапраўдны ласунак, і выстаяць перад ім ой як складана.
Спатрэбіцца: яйкі — 2 шт.; цукар — 2 ч. л.; мука — 4 ч. л.; малако — 4 ст. л.; ванільны цукар — 0,5 ч. л.; яблыкі сярэдняга памеру — 1 шт.; масла — 2 ч. л.; пудра цукровая — 1 ч. л.
Жаўткі аддзяліць ад бялкоў і ўзбіць у шчыльную пену.
У місцы змяшаць муку з жаўткамі і цукрам, дадаць малако і ванільны цукар, старанна змяшаць да аднастайнай масы.
Затым у атрыманую сумесь дадаць узбітыя бялкі, акуратна змяшаць. Яблыкі добра вымыць, зняць скурку. Мякаць нарэзаць тонкімі лустачкамі і абсмажыць на масле 1-2 хвіліны. Затым зверху выліць яечную масу, зменшыць агонь; накрыць і гатаваць 3–4 хвіліны. Затым перавярнуць і злёгку падрумяніць; пасля зноў перавярнуць і падрумяніць іншы бок. Перад падачай пасыпаць цукровай пудрай і пры жаданні разрэзаць амлет на кавалачкі.
Страва, якую не сорамна прыгатаваць і падаць на святочны стол або папросту парадаваць сябе і сваю сям’ю ў любы дзень, незалежна ад пары года.
Спатрэбіцца: печань курыная — 0,5 кг; цыбуля рэпчатая сярэдняга памеру — 2 шт.; яблыкі сярэдняга памеру — 2 шт.; алей — 2 ст. л.; соль і молаты чорны перац — на смак; грэцкі арэх — жменя; разынкі — жменя; воцат бальзамічны (белы) — 2 ст. л.; размарын — 3-4 галінкі.
Печань старанна вымыць пад вельмі халоднай праточнай вадой. Добра зачысціць і прасушыць пры дапамозе папяровага ручніка. Соль змяшаць з перцам і нацерці кавалачкі печані. На разагрэтай патэльні абсмажыць печань з кожнага боку прыкладна па хвіліне, затым перакласці на талерку і на гэтай жа патэльні абсмажыць дробна нарэзаную цыбулю і долькі яблыкаў. Затым дадаць воцат, разынкі, дробна нарэзаны размарын і здробненыя арэхі. Акуратна змяшаць і дадаць печань, гатаваць 6-7 хвілін. Затым накрыць і пратушыць 1-2 хвіліны, пасля даць настояцца 5–10 хвілін. Пры жаданні перад падачай пасыпаць свежым зяленівам.
Спатрэбіцца: яблыкі сярэдняга памеру — 3 шт. Для салёных чыпсаў: соль, перац молаты — на смак; сушаныя травы — на смак; шматкі чылі — на смак. Для салодкіх: цукар — 2 ч. л.; карыца молатая — 0,5 ч. л.; ванільны цукар — 0,5 ч. л.
Яблыкі старанна вымыць, затым выдаліць асяродак. Мякаць нарэзаць тонкімі слайсамі.
У місцы змяшаць спецыі з соллю (для салодкіх адпаведна змяшаць цукар, карыцу і ванілін) і абкачаць у іх яблычныя слайсы. Выкласці на бляху, засланую пергаментам. Адправіць у разагрэтую да 90 градусаў духоўку на 2-3 гадзіны. Праз кожную гадзіну неабходна пераварочваць яблыкі для раўнамернага прыгатавання. За гэты час яблыкі павінны добра падсохнуць. Гатовыя яблыкі дастаць з духоўкі, даць астыць і падаваць да стала.
Гэты ласунак стане выдатнай альтэрнатывай як бульбе фры, так і пончыкам.
Спатрэбіцца: яблыкі буйныя — 3 шт.; яйкі — 1 шт.; малако — 50 мл; мука — 0,5 шклянкі; разрыхляльнік — 1 ч. л.; цукар — 8 ст. л.; карыца — 1 ч. л.; соль — 0,5 ч. л.; алей — 0,5 л.
У місцы змяшаць яйкі з мукой, малаком і разрыхляльнікам, дадаць цукар, соль і карыцу.
Усё змяшаць да аднастайнай масы. З яблыкаў зняць скурку і выдаліць асяродак, мякаць нарэзаць кольцамі. Разагрэць алей у глыбокай патэльні. Яблычныя кольцы абмакнуць у кляр, а затым выкласці ў патэльню. Абсмажыць з усіх бакоў да румянай скарыначкі.
Гатовыя яблыкі выкласці на талерку, засланую папяровым ручніком, даць злёгку астыць.
Па жаданні можна пасыпаць цукровай пудрай і карыцай. Падаваць да стала.
Спатрэбяцца: яблыкі салодкія буйныя — 2 шт.; сыр сметанковы — 100 г; масла — 1,5 ст. л.; хлеб тоставы — 10 кавалкаў; яйкі — 2 шт.; цукар — 3 ст. л.; малако — 3 ст. л.; сок лімона — 4 ч. л.; карыца — 0,5 ч. л.
З яблыкаў зняць лупіну, выдаліць асяродак, мякаць нарэзаць дробнымі кубікамі. У глыбокай патэльні змяшаць лімонны сок з карыцай, затым дадаць яблыкі. Смажыць на моцным агні 4-5 хвілін. З хлеба зрэзаць скарыначкі. Мякаць раскачаць у форме квадрата таўшчынёй 2-3 мм. Акуратна нацерці кожную лустачку сырам. Выкласці яблычную начынку і скруціць рулецікі. У місцы ўзбіць малако з яйкамі. Чыстую патэльню нацерці маслам, затым разагрэць яе. Кожны рулецік акунуць у малочна-яечную сумесь, абсмажыць з кожнага боку да румянай скарыначкі. Гатовыя грэнкі перакласці на талерку і пасыпаць зверху цукрам. Падаваць з гарбатай і мёдам.
Прэв’ю: pixabay.com
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
