Акцэнт на сустрэчы Аляксандра Лукашэнкі з першым віцэ-прэзідэнтам Ісламскай Рэспублікі Іран Махамадам Махберам быў зроблены на рэалізацыі дамоўленасцяў па выніках візіту беларускага лідара ў Іран у сакавіку гэтага года. Акрамя таго, бакі вызначылі далейшыя крокі па ўмацаванні двухбаковага супрацоўніцтва. Закраналася і міжнародная сітуацыя.
Прэзідэнт Беларусі выказаў спадзяванне, што першы віцэ-прэзідэнт Ірана не будзе расчараваны сваім візітам у нашу краіну. «Пытанняў шмат, ёсць аб чым пагаварыць, спадзяюся, што наша размова будзе мець добры практычны вынік», — задаў тон сустрэчы беларускі лідар.
«Вы ведаеце сітуацыю, у якой знаходзіцца Беларусь, — заўважыў кіраўнік дзяржавы. — Гэта прыкладна тая ж сітуацыя, у якой знаходзіцеся і вы. Ціск, які аказваецца на нашы дзяржавы, беспрэцэдэнтны, але вы ўжо навучыліся ў нейкай ступені гэтаму супрацьстаяць і ваш вопыт для нас вельмі важны».
Прэзідэнт адзначыў: яго пастаянна здзіўляе, што ў ходзе гэтых маштабных акцый за перыяд, калі Іран знаходзіцца пад санкцыямі, краіна ніколькі не знізіла свой узровень развіцця, а наадварот, значна дадала. Аляксандр Лукашэнка нагадаў, што падчас яго візіту ў Іран два прэзідэнты дамовіліся аб выпрацоўцы плана дзеянняў на перспектыву, на многія гады наперад, каб тавараабарот, супрацоўніцтва ў цэлым развівалася больш паспяхова.
«Самае важнае і галоўнае, зыходзячы з вопыту адносін з Іранам, зыходзячы з многіх гадоў супрацоўніцтва з Іранам, я раблю выснову, што вашай і нашай бюракратыі трэба навучыцца вельмі аператыўна працаваць, і калі мы аб чымсьці дамовіліся, гэта павінна быць выканана ў тэрмін, — падкрэсліў Прэзідэнт. — Самае галоўнае для нас — гэта не санкцыі і ціск, а час. І час гэты страціць у выніку бюракратычных прэпонаў ні ў якім разе нельга. Тым больш, што абстаноўка ў свеце накаляецца. Блізкаўсходні крызіс садзейнічае таму, што несяброўскія нам краіны — Злучаныя Штаты Амерыкі і Захад — пастаянна накіроўваюць вастрыё гэтага канфлікту супраць Ірана. Вы гэта адчуваеце лепш. Наш адказ адзін — мы павінны шчыльней працаваць адзін з адным, разам супрацоўнічаць, каб супрацьстаяць гэтым выклікам».
Вераніка КАНЮТА
Фота БелТА
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».