Вы тут

Спецыялісты кадастравага агенцтва паўдзельнічаюць у дабрачыннай акцыі


Спецыялісты Нацыянальнага кадастравага агенцтва растлумачаць грамадзянам пытанні дзяржаўнай рэгістрацыі і зямельнага кадастру падчас дабрачыннай акцыі — адзінага дня бясплатнага кансультавання, — прымеркаванай да Дня юрыста. Усіх зацікаўленых чакаюць 1 снежня з 9:00 да 12:00 па адрасе г. Мінск, зав. Чырвоназорны, 12 (каб.319). Задаць свае пытанні ў гэты ж час можна па нумары тэлефона +375 (17) 285 39 26.


Фота: pexels.com

У рамках прававой адукацыі насельніцтва і забеспячэння абароны правоў і інтарэсаў грамадзян спецыялісты кадастравага агенцтва раскажуць пра агульныя моманты дзяржрэгістрацыі нерухомай маёмасці, правоў на яе і здзелак з ёй.

Патлумачаць агульныя пытанні нарматыўнага рэгулявання дзяржрэгістрацыі прадпрыемстваў як маёмаснага комплексу і парадак здзяйснення рэгістрацыйных дзеянняў у дачыненні да такога прадпрыемства (ад парадку работы з заявай аб дзяржрэгістрацыі да тэрмінаў і кошту здзяйснення адміністрацыйнай працэдуры).

Пазнаёмяць з тэхнічнай інвентарызацыяй і праверкай характарыстык нерухомай маёмасці.

Дадуць уяўленне аб незалежнай ацэнцы (кватэр, нерухомасці, бізнесу, абсталявання і транспарту, нематэрыяльных актываў і аб’ектаў інтэлектуальнай уласнасці) і экспертызе незалежнасці ацэнкі.

Агучаць парадак забеспячэння грамадзян звесткамі з інфармацыйных рэсурсаў, аператарам якіх з’яўляецца агенцтва: Адзінага дзяржаўнага рэгістру нерухомай маёмасці, правоў на яе і здзелак з ёй; рэестру характарыстык нерухомай маёмасці; рэестру адрасоў; рэгістру кошту зямель, зямельных участкаў; адзінага рэестру адміністрацыйна-тэрытарыяльных і тэрытарыяльных адзінак; рэестру цэн на зямельныя ўчасткі і іншых.

Як паведамілі ў агенцтве, у гэты ж дзень 1 снежня бясплатныя кансультацыі па пытаннях дзяржрэгістрацыі нерухомасці, тэхнічнай інвентарызацыі, ацэнкі, вызначэння меж зямельных участкаў і іншых пытаннях, якія звязаны з афармленнем правоў на нерухомасць, пройдуць у тэрытарыяльных арганізацыях па дзяржрэгістрацыі нерухомасці, парвоў на яе і здзелак з ёй. Больш падрабязная інфармацыя пра правядзенне акцыі ў кожным рэгіёне змешчана на афіцыйных сайтах указаных тэрытарыяльных арганізацый.

Ірына СІДАРОК

Выбар рэдакцыі

Культура

І зноў закружыць фестываль...

І зноў закружыць фестываль...

Яркімі фарбамі і самабытнай музыкай напоўніў горад XXІІІ Нацыянальны фестываль «Маладзечна-2024». 

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.