Вы тут

Ашуканцы «разыгрываюць» прызы, але нічога не падораць і пакінуць вас без грошай


У перыяд зімовых святаў традыцыйна ўзрастае актыўнасць фінансавых злачынцаў, якія з дапамогай фішынгавых старонак імітуюць сапраўдныя рэсурсы Беларусбанка, і абвяшчаюць там аб правядзенні навагодніх акцый з розыгрышам грашовых прызоў і каштоўных падарункаў. Жадаючыя прыняць удзел і атрымаць нібыта гарантаваны прэзент ад банка рызыкуюць скампраметаваць свае асабістыя дадзеныя і пазбавіцца грошай.


Фота pexels.com

Злачынная схема працуе так: спачатку зламыснікі ствараюць фэйкавую старонку афіцыйнага сайта банка. Каб яе было цяжка адрозніць ад арыгінала, яны цалкам капіруюць візуальнае афармленне рэальнага рэсурсу, а таксама прыдумляюць даменнае імя, максімальна падобнае на сапраўдны адрас сайта. Розніца можа быць усяго толькі ў адным або некалькіх сімвалах — літарах, лічбах. Як правіла, спасылка на рэсурс-падробку распаўсюджваецца праз сацыяльныя сеткі (іnstagram, facebook, vk і іншыя), а таксама рэкламныя аб’явы ў папулярных пошукавых сэрвісах (Google, Яндэкс і таму падобных). На зробленай фэйкавай старонцы ашуканцы размяшчаюць навіну аб тым, што банк нібыта запусціў навагоднюю (паслянавагоднюю) акцыю і кожны яе ўдзельнік атрымае гарантаваныя грашовыя прызы, а таксама іншыя каштоўныя падарункі. Падробленая акцыя дзейнічае, нібыта, з 1 снежня па 30 студзеня.

Той, хто зацікавіўся «бясплатным сырам», клікаюць на прапанаваную ім спасылку або кнопку і такім чынам трапляюць на падробленую старонку ўжо сістэмы «інтэрнэт-банкінг». Там яны бачаць інфармацыйнае паведамленне, якое абвяшчае, што для атрымання прыза неабходна ўвайсці ў свой асабісты кабінет — увесці лагін, пароль і код бяспекі. На справе форма, якая запаўняецца карыстальнікамі, у асабісты кабінет не вядзе, а выкарыстоўваецца зламыснікамі для збору персанальных даных грамадзян. Маючы гэтую інфармацыю, ашуканцы атрымліваюць доступ да грашовых сродкаў трымальнікаў карт і ўладальнікаў рахункаў.

Улічваючы гэта, банк у чарговы раз просіць сваіх кліентаў заўсёды даведвацца пра акцыі, якія праводзіць Беларусбанк, толькі на афіцыйным сайце банка https://belarusbank. by (https://asb. by) і ў афіцыйных групах банка ў сацыяльных сетках:

• іnstagram (https://www.іnstagram. com/asb. belarusbank);
• іnstagram — бізнес-рахунак (https://www.іnstagram. com/busіness. asb);
• facebook (https://www. facebook. com/asb. belarusbank);
• facebook — бізнес-рахунак (https://www. facebook. com/busіness. asb);
• telegram (https://by. tgstat. com/channel/@belarusbank_channel);
• vk (https://vk. com/asb. belarusbank);
• Аднакласнікі (https://ok. ru/asb. belarusbank);
• tіktok (https://www. tіktok. com/@belarusbank. by? lang=ru-RU).

Каб не пацярпець ад махлярства і прадухіліць падобныя выпадкі, варта памятаць, што небяспечна пераходзіць па сумніўных спасылках і ўводзіць там сваю персанальную інфармацыю: імя, тэлефон, пашпартныя дадзеныя, лагіны, паролі, рэквізіты плацежных карт, коды доступу, сеансавыя ключы і іншую інфармацыю, што атрымліваецца з SMS-паведамленняў. Акрамя таго, неабходна пераправяраць карэктнасць адрасоў сайтаў, якія наведваюцца.

А адрас інтэрнэт-банкінгу Беларусбанка — іbank.asb.by. Трапіць у інтэрнэт-банкінг можна таксама з галоўнай старонкі сайта belarusbank.by, клікнуўшы на кнопку прамога доступу.

Сяргей КУРКАЧ

Загаловак у газеце: А ў гэты час...

Выбар рэдакцыі

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.

Здароўе

Як працуюць санаторныя школы-інтэрнаты для дзяцей, хворых на скаліёз?

Як працуюць санаторныя школы-інтэрнаты для дзяцей, хворых на скаліёз?

Па статыстыцы на пяць хворых дзяўчынак прыходзіцца толькі адзін хлопчык.

Рэгіёны

У якіх ўмовах працавалі медыкі ў гады вайны?

У якіх ўмовах працавалі медыкі ў гады вайны?

Подзвіг ваенурачоў адлюстроўвае выстава Брэсцкага абласнога краязнаўчага музея.

Грамадства

Што трэба ведаць тым, хто адпачывае каля вадаёмаў

Што трэба ведаць тым, хто адпачывае каля вадаёмаў

Нават пры наяўнасці на пляжы ратавальнай станцыі не варта грэбаваць элементарнымі правіламі бяспекі.