Вы тут

Паводка пад кантролем


Як адзначыла начальнік аддзела гідралагічных прагнозаў Белгідраметцэнтра Міністэрства прыродных рэсурсаў і аховы навакольнага асяроддзя Алена Зубчонак, вясновая паводка — складаная з’ява, якая вызначаецца комплексам узаемазвязаных прыродных працэсаў. Са стыхійных гідралагічных з’яў яны ўяўляюць найбольшую небяспеку для нашай краіны.


Як паведаміла спецыяліст, да цяперашняга часу практычна на ўсіх рэках краіны крыгалом і яны ўжо ачысціліся ад ледзяных утварэнняў. Ледастаў з палонкамі і закраінамі захоўваецца толькі на асобных участках рэк басейнаў Заходняй Дзвіны і Сажа.

«На вадаёмах яшчэ сустракаецца ледастаў, аднак лёд змяніў сваю структуру, ён тонкі і крохкі, растае на месцы. З’явіліся прасторы з адкрытай воднай паверхняй, лёд адносіць ад берагоў, і ў сувязі з гэтым выходзіць на лёд ужо нельга», — папярэджвае спецыяліст.

Алена Зубчонак падзялілася данымі снегамернай здымкі, зробленай па маршруце ў полі 25 лютага, згодна з якой на тэрыторыі Беларусі снежнае покрыва практычна адсутнічае. Снег назіраецца толькі па крайнім усходзе краіны, там яго вышыня дасягае двух сантыметраў з запасам вады да 30 міліметраў. Снег вышынёй ад 6 да 50 сантыметраў з запасам вады да 147 міліметраў захоўваецца ў размешчаных у Расіі вярхоўях рэк Заходняй Дзвіны, Дняпра і Сажа.

«На гэты перыяд часу на тэрыторыі Расіі, у параўнанні з мінулым годам, рэгіструецца больш высокі паказчык запасаў вады», — падкрэслівае прадстаўнік Белгідрамета.

Анамальныя ўзроўні

На рэках назіраецца рост узроўняў вады з інтэнсіўнасцю да 64 сантыметраў у суткі. На большасці рэк вада знаходзіцца на пойме. Узровень вады перавышае небяспечна высокія адзнакі на Прыпяці каля вёскі Чэрнічы (Жыткавіцкі раён Гомельскай вобласці) і каля горада Петрыкава (Гомельская вобласць). Аналагічная сітуацыя назіраецца ў яе прытокаў — Пцічы, Случы і Цны. Не менш пагрозлівае становішча ўсталявалася на прытоку Нёмана — рацэ Шчары, прытоку Сажа — рацэ Проні і прытоку Дняпра — рацэ Труці.

Як адзначае спецыяліст, у цяперашні час воднасць рэк перавышае адэкватную для дадзенага сезона норму. Згодна з вынікамі аналізу Белгідраметцэнтра гідраметэаралагічных умоў, якія складваюцца, а таксама ў сувязі з пралікам папярэдніх прагнозаў, у бягучым годзе вышыня веснавой паводкі чакаецца блізкай да сярэдняй. Аднак паказчыкі будуць некалькі вышэйшыя ў басейне ракі Прыпяць. Небяспечных адзнак дасягнулі асобныя ўчасткі басейнаў рэк Бярэзіны і Сажа ў перыяд фарміравання максімальных узроўняў. «У далейшым ускладніць паводкавую сітуацыю можа значнае выпадзенне ападкаў», — падсумавала начальнік аддзела гідралагічных прагнозаў Белгідраметцэнтра.

Падтапленні назіраюцца ўсюды, больш за ўсё — на Гомельшчыне

У сувязі з прагнозамі і развіццём сітуацыі МНС прымае ўсе магчымыя намаганні для мінімізацыі шкоды падчас вясновых паводак, а таксама аказвае своечасовую дапамогу пацярпелым грамадзянам і праводзіць актыўную дзейнасць па інфармаванні насельніцтва аб магчымых пагрозах і правілах паводзін у выпадках небяспекі, расказвае прэс-сакратар — памочнік міністра на надзвычайных сітуацыях Яўген Бараноўскі.

«26 лютага адбылося пасяджэнне камісіі па надзвычайных сітуацыях пры Савеце Міністраў пад старшынствам намесніка прэм’ер-міністра Анатоля Сівака. Падчас пасяджэння былі абмеркаваны пытанні аператыўнай абстаноўкі, прагнозы, у выніку чаго прынялі ўсе неабходныя рашэнні для таго, каб дапамога грамадзянам аказвалася своечасова, а рэакцыя на негатыўныя праявы вясновай паводкі была аператыўнай», — паведаміў афіцыйны прадстаўнік МНС.

Па яго словах, на дадзены момант падтапленне назіраецца ва ўсіх абласцях. Вялікая вада прыйшла ў 34 раёны краіны. Найбольш ад павышэння ўзроўню вады пацярпела Гомельская вобласць — у ёй зарэгістравана 17 падтопленых раёнаў, у Брэсцкай вобласці — 4 раёны, у Віцебскай вобласці — адзін раён, у Гродзенскай вобласці — 3 раёны, у Мінскай вобласці — адзін раён, а ў Магілёўскай вобласці — 8 падтопленых раёнаў. 

У прыватнасці, сярод пацярпелых ад павышэння ўзроўню вады ўчасткаў лічацца 162 прыватныя жылыя дамы, 33 падвалы, 760 прыватных падворкаў, 272 гаспадарчыя пабудовы, 51 участак аўтамабільных дарог і 148 іншых будынкаў (нежылых або дачных), а таксама 7 мастоў.

Памочнік міністра па надзвычайных сітуацыях расказаў, што для рэагавання і папярэджання сітуацый падраздзяленні МНС праводзяць шырокі комплекс прафілактычных мерапрыемстваў. Асаблівая ўвага — паводканебяспечным раёнам, праводзіцца інфармаванне насельніцтва, ажыццяўляецца кантроль абстаноўкі і штодзённыя замеры ўзроўню вады.

Як паведаміў Яўген Бараноўскі, былі дадаткова сфарміраваны зводныя атрады ў структуры МНС для неадкладнага рэагавання з прыцягненнем спецыяльнай тэхнікі. Таксама праходзіць ліквідацыя ледзяных затораў. Для гэтага ўжываюцца выбухатэхнічныя сродкі і сілы рэспубліканскага атрада спецыяльнага прызначэння «ЗУБР». Пры дапамозе пантонна-маставой службы Пінскага цэнтра ГПАСУ «Рэспубліканскі атрад спецыяльнага прызначэння» аператыўна пры патрэбе ўзводзяцца пантонныя масты. Уся спецыяльная тэхніка загадзя падрыхтавана.

«На сённяшні момант выхад на лёд вельмі небяспечны», — папярэдзіў прэс-сакратар МНС.

Сяргей КУРКАЧ

Фота Яўгена ПЯСЕЦКАГА

Выбар рэдакцыі

Рэлігія

200 гадоў пад заступніцтвам Пятра і Паўла

200 гадоў пад заступніцтвам Пятра і Паўла

Гомельскі кафедральны Свята-Петра-Паўласкі сабор — адзін з самых велічных праваслаўных храмаў Беларусі, адзін з нямногіх помнікаў архітэктуры зрэлага класіцызму, які захаваўся да нашых дзён.

Здароўе

Як мыць садавіну, гародніну і зеляніну, каб не атруціцца?

Як мыць садавіну, гародніну і зеляніну, каб не атруціцца?

«Апрацоўваць гародніну і садавіну сродкам для мыцця посуду нельга».

Спорт

Які наш спорт сёння?

Які наш спорт сёння?

«З кожным днём сітуацыя ў свеце мяняецца так, што ў вялікай ступені гэта закранае і спорт».