Ужо гэтымі днямі, пачынаючы з паўднёва-заходніх раёнаў, тэрыторыя краіны апынецца пад уплывам франтальных падзелаў. Яны прынясуць ападкі і цёплае паветра з паўднёвага захаду Еўропы, так што тэмпературны фон пачне павышацца, паведамляюць эксперты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У суботу ўначы ў асобных раёнах пройдуць кароткачасовыя ападкі ў выглядзе мокрага снегу і дажджу. Удзень пад уплывам атмасфернага фронту, які перамяшчаецца з Карпат, на большай частцы тэрыторыі краіны пройдуць дажджы. Уначы і раніцай месцамі чакаецца туман, слабы галалёд, на дарогах галалёдзіца. Тэмпература паветра ўначы складзе ад мінус 4 градусаў да 2 цяпла, удзень будзе ад плюс 3 да плюс 9 градусаў, па паўднёвым захадзе краіны паветра прагрэецца да 10—13 цяпла.
Першы дзень красавіка парадуе нас цёплым, але сырым надвор'ем. Тэрыторыя краіны апынецца пад уплывам атмасферных франтоў ад цыклону з цэнтрам над усходам Польшчы. На большай частцы тэрыторыі пройдуць кароткачасовыя дажджы, удзень у асобных раёнах чакаюцца моцныя (!) дажджы. Удзень па паўднёвым усходзе краіны прагназуецца парывісты вецер. Тэмпература паветра ўначы складзе плюс 3—9 градусаў, толькі па паўночным усходзе краіны будзе ад мінус 2 да плюс 2 градусаў. Тэмпература ўдзень будзе знаходзіцца ў межах ад плюс 6 градусаў па поўначы да 16 цяпла па паўднёвым усходзе краіны. У многіх раёнах ападкі будуць суправаджацца моцным парывістым ветрам.
Сяргей КУРКАЧ
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
