25 мая Нацыянальны акадэмічны Вялікі тэатр оперы і балета Рэспублікі Беларусь з 12:00 да 16:00 запрашае ўсіх, хто пакуль яшчэ нічога не ведае аб тэатральным закуліссі, але марыць акунуцца ў яго чароўны свет, на Дзень адчыненых дзвярэй. Гасцей чакаюць цікавыя экскурсіі, займальныя майстар-класы, канцэрты, творчыя сустрэчы.
Супрацоўнікі тэатра падрыхтавалі для гасцей свята экскурсіі па фае і глядзельнай зале, дзе раскажуць гісторыю беларускага «Вялікага», а майстры бутафорыі і грымёры падзеляцца тонкасцямі стварэння рэквізіту і сцэнічнага грыму.
Арганізатары распрацавалі некалькі экскурсійных маршрутаў. Так, тым, хто прывык асвойваць новыя аб'екты самастойна, прапануюць стаць артыстамі «на гадзіну»: у тэатральных зонах оперы «Сельскі гонар», «Багема» і балета «Ор і Ора» кожны жадаючы зможа прымерыць касцюмы са спектакляў, дакрануцца да элементаў дэкарацый, а таксама зрабіць фота з тэатральным рэквізітам. Маленькіх гасцей запрашаюць у госці да Алісы з «Краіны цудаў», а юных гледачоў — на выставу «Вялікі тэатр — дзецям», дзе будуць прадстаўлены архіўныя афішы дзіцячых спектакляў і цацкі-пераможцы штогадовага конкурсу «Тэатральная цацка».
Для тых, хто жадае спасцігнуць асновы прафесіі артыста балета, оперы і мімансу, будуць арганізаваны майстар-класы:
На працягу ўсяго Дня адчыненых дзвярэй вас чакаюць насычаныя канцэртныя праграмы ў камернай зале, а таксама на двух «сцэнах» у фае.
На ўзроўні бельэтажа адбудзецца ўзнагароджанне ўсіх, хто служыць тэатральнаму мастацтву, а таксама канцэрт і ўрачыстае адкрыццё Дня нараджэння тэатра. Віншаваць «Вялікі» будуць навучэнцы музычнага аддзялення гімназіі-каледжа мастацтваў імя Ахрэмчыка, ансамбль Amadis Brass, струнны квінтэт «Серэнада».
На другой канцэртнай пляцоўцы, у фае партэра тэатра, адбудзецца «Незвычайны канцэрт»: музыканты выканаюць кампазіцыі для ўдарных і арфы, інструментальнымі творамі парадуе слухачоў трыа Gloria, а салісты оперы — міні-канцэртам іспанскай музыкі.
У гэты дзень у камернай зале імя Л.П. Александроўскай адбудуцца творчыя сустрэчы:
Пры жаданні, майстры грымёрнага цэха ўсяго за некалькі хвілін «наросцяць» вам вусы сапраўднага гусара, састараць або, наадварот, амаладзяць, ператвораць у казачнага героя.
Упершыню свой Дзень нараджэння разам з гледачамі Вялікі тэатр адсвяткаваў у 2015 годзе. Штогод 25 мая галоўную акадэмічную сцэну краіны наведваюць некалькі тысяч гасцей.
Ганна БАГІНО
Фота БЕЛТА і bolshoibelarus.by
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
