Таленавіты жыхар Давыд-Гарадка Столінскага раёна Міхаіл Кулага паходзіць з той плеяды музыкаў, якія спасцігалі мастацтва ігры на гармоніку саматужна, слухаючы народныя палескія песні і мелодыі, падглядваючы, як віртуозна валодаюць інструментам старэйшыя гарманісты.
Яшчэ ў дзяцінстве Міхаіл бездакорна асвоіў тэхніку ігры і стаў адным з найлепшых давыд-гарадоцкіх музыкаў. Яго першыя канцэрты праходзілі ў сямейным коле, бо матуля і пяць сясцёр валодалі надзвычай добрымі галасамі, ведалі шмат народных песень, часта спявалі. Міхаіл Андрэевіч і сёння на застоллях і сустрэчах, на Калядах і летніх святах абавязкова дастае свой гармонік і «рэжа» на ім любую, толькі папрасі, мелодыю, танец, песню. За сваё жыццё Кулага сабраў цэлую калекцыю «галасістых» інструментаў, а таксама перадаў свайму сыну Уладзіміру любоў да народнай культуры і, вядома ж, да гармоніка.
Анатоль КЛЯШЧУК
Фота аўтара
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
