Кiналяпы з савецкiх фiльмаў

Штогод кiнакампанii па ўсiм свеце выпускаюць мноства фiльмаў, цiкавых i не вельмi, глыбокiх i прахадных. Але толькi самым любiмым пiльны глядач даруе агрэхi, недакладнасцi i знойдзеныя ў стужках «ляпы». Прыгадаем толькi сем вядомых ляпаў з савецкай класiкi, з-за якiх, зрэшты, гледачы не сталi любiць гэтыя стужкi меней.

• «Сямнаццаць iмгненняў вясны». У маi 1945-га Шцiрлiц вязе пастара Шлага да мяжы, а паралельна ў эпiзодзе гучыць мелодыя песнi «Allez venez! Milord, vous avez l'air d'un mоme...» — якая ўпершыню была выкананая толькi ў 1959 годзе Эдзiт Пiяф.
• «Брыльянтавая рука». Падчас эпiзоду «Бабе — кветкi, дзецям — марозiва» ў кадры спачатку два эскiмо на палачцы i дзве ружы, а праз iмгненне — марозiва ў вазачках, а кветак ужо тры.
• «Вялiкi перапынак». Ганжа абварыў кiпенем правую руку, а ў медпункце яму бiнтуюць чамусьцi левую, i ў далейшых сцэнах таксама бiнт «мiгрыруе» з рукi на руку.
• «Джэнтльмены ўдачы». Татуiроўкi, якiя давялося зрабiць Яўгену Лявонаву для ўжывання ў ролю крымiнальнага аўтарытэта, то выцвiтаюць, то робяцца больш яркiмi, а ў адной са сцэн «наколка» з лямпачкай наогул перакульваецца дагары нагамi.
• «Iронiя лёсу, або З лёгкай парай!» Здаецца, толькi лянiвы не помнiць хоць пару цытат i кiналяпаў з шэдэўра Эльдара Разанава. Адзiн з самых вядомых — фота Iпалiта. У серванце стаiць партрэт Юрыя Якаўлева, а са снегу гераiня паднiмае картку Алега Басiлашвiлi, якi i мусiў першапачаткова iграць у фiльме.
• «Д'Артаньян i тры мушкецёры». Амаль класiчны недагляд касцюмера: калi ў дом Буанасье прыходзяць гвардзейцы, Д'Артаньян на другiм паверсе ў адным боце — на левай назе, а спускаецца ўнiз, каб вызвалiць каханую — зноў у адным, але на правай...
• Тыя ж i конь. А гэта не ляп, проста забаўны факт — бронзавая статуэтка Пегаса, якая захоўвалася ў рэквiзiтарскiх цэхах «Масфiльма», настолькi падабалася рэжысёрам, што зрабiла кiнакар'еру на зайздрасць многiм акцёрам. Гэты конь «засвяцiўся» ў фiльмах «Службовы раман», «Брыльянтавая рука», «Сакрэтная мiсiя», «Пакет», «Мой ласкавы i пяшчотны звер», «Шырлi-Мырлi».

Прэв’ю: Depositphotos.com