Пытанне развіцця транспартных зносін паміж сталіцай і горадам-спадарожнікам Лагойскім было закранута падчас сустрэчы старшыні Мінгарвыканкама Уладзіміра Кухарава са студэнцкім актывам БДУІР, перадае агенцтва «Мінск-Навіны».
У прыватнасці, кіраўніку горада нагадалі пра планы звязаць населеныя пункты пры дапамозе хуткаснага трамвая.
Уладзімір Кухараў патлумачыў, што рэалізацыя гэтага праекта вельмі дарагая, да таго ж ёсць складанасці ва ўладкаванні яго трасы ва ўмовах размяшчэння ў гэтым кірунку вялікай колькасці садовых таварыстваў. Таму ўзнікла іншае рашэнне: пры рэканструкцыі дарогі да Лагойска, праектаванне якой ужо вядзецца, прадугледзець выдзеленую паласу і пусціць па ёй электробус.
Старшыня Мінгарвыканкама таксама нагадаў, што цяпер актыўна развіваецца горад-спадарожнік Смалявічы, яшчэ адзін перспектыўны кірунак, засваенне якога пачнуць у бліжэйшыя гады, — Рудзенск.
Прэв’ю: МН
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
