Міністэрства аховы здароўя прыпыніла з 16 мая дзеянне ліцэнзій на дзейнасць двух цэнтраў

Рашэнне было прынята на пасяджэнні лячэбна-кантрольнага савета Міністэрства аховы здароўя 4 мая 2022 г. Разгледжаны пытанні парушэнняў выканання заканадаўства аб ахове здароўя, аб санітарна-эпідэмічным дабрабыце, аб ліцэнзаванні ў гэтых арганізацыях. Дадзеныя парушэнні па сукупнасці могуць пацягнуць прычыненне шкоды дзяржаўным або грамадскім інтарэсам, жыццю, здароўю, правам і законным інтарэсам грамадзян або стварыць пагрозу прычынення такой шкоды, перадае Telegram-канал Міністэрства аховы здароўя. 

У арганізацыях выяўлена наступнае:

На ТАА «Клініка А1» у 2022 г. у Міністэрства аховы здароўя паступіла тры звароты ад грамадзян па пытаннях якасці і арганізацыі меддапамогі. Камісіяй Міністэрства аховы здароўя выяўлены грубыя парушэнні заканадаўства:

• выкарыстанне медабсталявання без дамовы на іх тэхнічнае абслугоўванне і рамонт;
• адсутнасць санітарнага пашпарта на лазерную сістэму;
• выяўлены множныя парушэнні заканадаўства аб сан-эпід дабрабыце, у сувязі з чым цэнтрам гігіены і эпідэміялогіі з 11 красавіка была прыпыненая дзейнасць да ліквідацыі выяўленых парушэнняў;
• парушэнні пры аказанні пацыентам медпаслуг;
• няякаснае вядзенне меддакументаў;
• адсутнасць атрымання згоды пацыентаў на правядзенне ўмяшанняў;
• парушэнні парадку правядзення медыцынскіх аглядаў;
• парушэнні клінічных пратаколаў дыягностыкі і лячэння пацыентаў.

У ТАА «ЛАДЭ»

Міжведамаснай камісіяй, створанай КДК, з прыцягненнем супрацоўнікаў Міністэрства аховы здароўя была праведзена пазапланавая праверка цэнтральнага офіса і яго філіялаў у Брэсце і Гродне. Падчас праверкі быў выяўлены шэраг фактаў грубага парушэння заканадаўства: 

• ажыццяўленне прадпрымальніцкай дзейнасці ў месцы, не паказаным у ліцэнзіі;
• парушэнні патрабаванняў клінічных пратаколаў дыягностыкі і лячэння;
• наяўнасць лекавых сродкаў з мінулым тэрмінам прыдатнасці;
• парушэнні парадку арганізацыі аказання неадкладнай дапамогі (у тым ліку адсутнасць кладкі па анафілаксіі ў прышчэпачным кабінеце для дзяцей), адсутнасць неабходных лекавых сродкаў у кладках для экстранай дапамогі, у некаторых філіялах, адсутнасць алгарытмаў дзеянняў аказання меддапамогі пацыентам у крытычных станах, адсутнасць адаптаваных алгарытмаў меддапамогі дзецям;
• грубыя парушэнні правядзення экспертызы часовай непрацаздольнасці (выяўлена 89 выпадкаў неабгрунтаванай выдачы і падаўжэння лісткоў непрацаздольнасці);
• парушэнні ў арганізацыі правядзення медыцынскай дапамогі дзіцячаму насельніцтву;
• шматлікія парушэнні заканадаўства ў галіне сан-эпід дабрабыту насельніцтва (парушэнні ў дэзінфекцыі медабсталявання і вырабаў медназначэння, парушэнні пры правядзенні стэрылізацыі).