27 снежня на Востраве мужнасці і смутку па ініцыятыве Мінскай гарадской арганізацыі ветэранаў вайны ў Афганістане «Памяць» грамадскага аб’яднання «Беларускі саюз ветэранаў вайны ў Афганістане» адбылося ўрачыстае мерапрыемства, прысвечанае 43-й гадавіне ўводу савецкіх войскаў у Афганістан.
Пасля ўскладання вянка і кветак да прысутных звярнуліся старшыня МГАВВА «Памяць» ГА «БСВВА» воін-інтэрнацыяналіст палкоўнік Уладзімір Шокаў, старшыня Рэспубліканскай асацыяцыі членаў сем’яў ваеннаслужачых, якія загінулі ў Афганістане, «Памяць і абавязак», Тамара Доўнар. Воін-інтэрнацыяналіст палкоўнік Дзмітрый Сянько выканаў некалькі «афганскіх» песень.
У мерапрыемстве прынялі ўдзел і члены Мінскай гарадской арганізацыі грамадскага аб’яднання «Беларускі саюз ветэранаў органаў пагранічнай службы» — удзельнікі баявых дзеянняў у Афганістане.
28 снежня члены МГАВВА «Памяць» ГА «БСВВА» наведалі дзяржаўную ўстанову «Дзіцячы дом-інтэрнат для дзяцей-інвалідаў з асаблівасцямі псіхафізічнага развіцця». Уладзімір Шокаў, Рыгор Касцюкевіч, Сяргей Кучын, Пётр Бойка, Вольга Азеновіч павіншавалі дзяцей З Новым годам і ўручылі падарункі.
Дырэктар установы Андрэй Ждановіч падзякаваў воінам-інтэрнацыяналістам за пастаянную ўвагу да падапечных і перадаў гасцям падарунак, зроблены рукамі дзяцей.
Віктар ІВАНЧЫКАЎ
Фота аўтара
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
