Колькасць загінулых у выніку землетрасення ў Турцыі вырасла да 3 381

Колькасць загінулых у выніку двух землетрасенняў у Турцыі вырасла да 3 381, больш за 20 тыс. чалавек пацярпелі. Пра гэта ў эфіры мясцовага тэлебачання паведаміў Архан Татар, кіраўнік дэпартамента па мінімізацыі рызык Упраўлення па надзвычайных сітуацыях Турцыі, перадае ТАСС.

«На гэты момант у нас 3 381 загінулы, 20 426 чалавек пацярпелі. 5 775 будынкаў разбураныя, паступіла інфармацыя аб прычыненні шкоды яшчэ 11 тыс. будынкаў», — сказаў ён. Татар дадаў, што з моманту першага ўдару стыхіі ў Турцыі зарэгістравана 285 паўторных падземных штуршкоў, большая частка якіх мела магнітуду ад 3 да 6.

Прэв’ю: pixabay.com