Вы тут

Сталічная Дзяржаўтаінспекцыя прыме дадатковыя меры па забеспячэнні бяспекі пешаходаў


У сувязі з невялікай працягласцю светлавога дня і сезонным пагаршэннем умоў надвор’я, якое аказвае істотны ўплыў на стан дарожна-транспартнага траўматызму, з 8 па 10 лютага Дзяржаўтаінспекцыя правядзе прафілактычныя мерапрыемствы, інфармуе ГУУС Мінгарвыканкама.


У гэты перыяд экіпажы дарожнай міліцыі будуць дзяжурыць ля пешаходных пераходаў і аварыйна-небяспечных участкаў дарог. Праваахоўнікі пракантралююць выкананне правілаў праезду пешаходных пераходаў аўтамабілістамі. Не застануцца без увагі інспектараў і пешаходы, якія парушаюць дзейнае заканадаўства ў сферы дарожнага руху. Акрамя таго, будзе арганізавана шырокая інфармацыйна-тлумачальная работа па прафілактыцы такіх ДТЗ.

Па статыстыцы, наезд на пешахода — адзін з самых распаўсюджаных відаў дарожна-транспартных здарэнняў. Асноўная доля наездаў прыпадае на цёмны час сутак, калі ў кіроўцаў няма магчымасці своечасова ўбачыць людзей, якія выйшлі на праезную частку або якія знаходзяцца на ёй.

Так, па выніках студзеня 2023 года ў параўнанні з аналагічным перыядам мінулага года на тэрыторыі Мінска колькасць ДТЗ знізілася з 43 да 39. Два чалавекі загінулі (пешаходы), 42 атрымалі раненні рознай ступені цяжкасці. Прычым найбольшая колькасць (40,5 працэнта) параненых — гэта пешаходы.

Асаблівую небяспеку для дарожнага руху ўяўляюць нецвярозыя пешаходы. Таму Дзяржаўтаінспекцыя просіць грамадзян паведамляць у міліцыю пра пешаходаў або веласіпедыстаў, якія знаходзяцца побач з праезнай часткай у нецвярозым выглядзе. Ваш званок зможа папярэдзіць трагедыю, нагадвае Дзяржаўтаінспекцыя.

Сяргей РАСОЛЬКА

Выбар рэдакцыі

Грамадства

Уважлівасць і правілы бяспекі — галоўны фактар зніжэння вытворчага траўматызму

Уважлівасць і правілы бяспекі — галоўны фактар зніжэння вытворчага траўматызму

Летась зафіксавана зніжэнне колькасці выпадкаў гібелі на вытворчасці. 

Грамадства

Ад чаго залежыць бяспека атракцыёнаў?

Ад чаго залежыць бяспека атракцыёнаў?

З пачатку года атракцыёны праверылі 43 разы.

Грамадства

Курс маладога байца для дэпутата

Курс маладога байца для дэпутата

Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.