Сёння ў Мінску на Нацыянальным алімпійскім стадыёне адбываецца фінальны паядынак Кубка Беларусі па футболе паміж камандамі жодзінска-белазаўскага «Тарпеда» і барысаўскім БАТЭ. Для гэтай падзеі жодзінская каманда падрыхтавала для сваіх фанатаў цудоўны падарунак — для іх з горада аўтамабудаўнікоў у сталіцу адпраўляўся адмысловы рэйс — чартарная электрычка. Па заканчэнні матча гледачоў таксама даставяць у родны горад. Электрычка фарміруецца на станцыі Жодзіна і робіць толькі адзін прыпынак — у Жодзіна-Паўднёвае, бо на гэтым прыпынку сядае асноўная колькасць балельшчыкаў.
Сярод прыхільнікаў каманды ёсць і маленькія фанаты, якія ходзяць у спартыўную школу, наведваюць футбольны клуб: для іх і бацькоў аддадзены пяць вагонаў электрычкі. Сярод фанатаў — школьнікі жодзінскай школы нумар № 1, якія напрацягу пяці гадоў падтрымліваюць сваіх куміраў, ездзяць з ім на матчы, малююць плакаты. Кіруе школьнымі фанатамі настаўніца беларускай і рускай мовы і літаратуры Наталля Карымава. Сярод дарослых жодзінскіх балельшчыкаў — рабочыя і служачыя БелАЗа, пенсіянеры і студэнты.
Анатоль КЛЯШЧУК
Фота аўтара
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
