1868 год — 145 гадоў таму нарадзiўся (вёска Казьяны, цяпер Шумiлiнскi раён) Дзмiтрый Iванавiч Даўгяла, беларускi гiсторык, архiвiст, археограф. З 1897 года — архiварыус Вiцебскага цэнтральнага архiва старажытных актаў. Потым працаваў у Вiленскай археаграфiчнай камiсii, быў яе старшынёй. Рэдактар «Записок Северо-Западного отдела Русского географического общества», ганаровы член Вiцебскай вучонай архiўнай камiсii. З 1925 года — супрацоўнiк Iнбелкульта, дацэнт БДУ, з 1929-га — дырэктар бiблiятэкi АН Беларусi, затым — навуковы супрацоўнiк Iнстытута гiсторыi АН Беларусi. Вывучаў гiсторыю беларускiх гарадоў i мястэчак, гiсторыю нацыянальных меншасцяў у Беларусi, абарончыя збудаваннi краю. Публiкаваў помнiкi беларускай дзелавой пiсьменнасцi i мовы. Укладальнiк i рэдактар « Гiсторыка-юрыдычных матэрыялаў», удзельнiчаў у выданнi «Актаў Вiленскай камiсii». Адзiн з укладальнiкаў «Гiсторыi Беларусi ў дакументах i матэрыялах « i iншых. Памёр у 1942 годзе.
1792 год — нарадзiўся Мiкалай Лабачэўскi. «Капернiк геаметрыi» — так назваў Мiкалая Iванавiча Лабачэўскага вядомы англiйскi матэматык Вiльям Клiфард. У 1826 годзе Лабачэўскi зрабiў даклад на тэму: «Сцiслы пераказ пачаткаў геаметрыi», у якiм выклаў сваю тэорыю новай, нееўклiдавай геаметрыi. Гэтае адкрыццё выклiкала пераварот ва ўяўленнi аб прыродзе прасторы i адыграла важную ролю ў развiццi матэматыкi. У наступным, 1827 годзе, Лабачэўскi быў абраны рэктарам Казанскага ўнiверсiтэта. Амаль за 20 гадоў працы ва ўнiверсiтэце яму ўдалося стварыць першакласную навучальную ўстанову з багатай бiблiятэкай i навуковым абсталяваннем. У 1992-м годзе ў гонар двухсотгоддзя з дня нараджэння Лабачэўскага Банк Расii выпусцiў памятную манету серыi «Выдатныя асобы».
1933 год — сёння споўнiлася б 80 гадоў з дня нараджэння (вёска Варакомшчына, цяпер Дзятлаўскi раён) Вячаслава Уладзiмiравiча Адамчыка, вядомага беларускага пiсьменнiка. Працаваў на кiнастудыi «Беларусьфiльм», у газетах «Знамя юности», «За вяртанне на Радзiму», у часопiсах «Маладосць», «Полымя», «Нёман». У 1982-1993 гг. — галоўны рэдактар часопiса «Бярозка». Аўтар раманаў «Чужая бацькаўшчына», «Год нулявы», «I скажа той, хто народзiцца» i многiх iншых твораў. Лаўрэат Лiтаратурнай прэмii iмя I. Мележа (1980), Дзяржаўнай прэмii Беларусi (1988). Памёр у 2001 годзе.
Як мы бярозавік куплялі на гандлёвай пляцоўцы лясгаса і ў лясніцтве
Творчая вечарына народнага артыста Беларусі прайшла ў адной з мінскіх гімназій.