Ім можна «заразіцца» нават ад незнаёмцаў, заяўляюць псіхолагі Універсітэта Сэнт-Луіса. Праўда, у гэтай асаблівасці ёсць і станоўчы бок. У пэўных сітуацыях гэта можа прывесці да праяў гераізму, піша The New Zealand Herald. Каб падмацаваць сваю тэорыю фактамі, спецыялісты сабралі групу добраахвотнікаў і папрасілі тых сказаць некалькі фраз публічна ці рашыць складаную арыфметычную задачу. Пры гэтым добраахвотнікі стала знаходзіліся пад наглядам, што выклікала стрэс. Узровень стрэсу ацэньваўся па канцэнтрацыі картызолу, стрэсавага гармону. І замеры рабіліся як у непасрэдных удзельнікаў эксперыменту, так і ў назіральнікаў. Аказалася, назіральнікі адчувалі такі ж стрэс, што і ўдзельнікі. Ён перадаваўся з тонам голасу, выразам твару і нават з пахам чалавека. Між тым, Універсітэт Карнегі Мэлон даказаў: усяго 25 хвілін медытацыі на працягу 3 дзён здымаюць стрэс. Аднак гэта толькі вонкава, бо ўзровень картызолу ў крыві ўсё роўна павышаецца.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?