З 16 па 22 верасня ў Магілёве пройдзе ХVІІ Міжнародны фестываль анімацыйных фільмаў.
На працягу тыдня пакажуць 85 мультыплікацыйных стужак з 28 краін. Усяго ж на суд экспертнай камісіі было прадстаўлена 159 фільмаў з 39 краін свету. Упершыню інтарэс да гэтай культурнай падзеі праявілі Аргенціна, Бразілія, Данія, Ірак, Калумбія, Сінгапур, Сірыя, ЗША, Харватыя, Швецыя, Славенія, Нідэрланды. У чацвёрты раз пройдзе конкурс анімацыйных фільмаў «Я не чараўнік, я толькі вучуся...», створаных дзіцячымі студыямі. Маленькія мультыплікатары з 7 краін свету прадставілі на яго 58 фільмаў.
Гасцей чакаюць сустрэчы з заслужанай артысткай РФ Аксанай Сташэнка, аўтарам «Калыханкі для ўсёй сям'і» Наталляй Фаўставай, заслужаным дзеячам мастацтваў РФ Рыгорам Гладковым, акцёрам Нацыянальнага акадэмічнага тэатра імя Я. Купалы Алегам Гарбузам, рэжысёрам кінастудыі «Беларусьфільм» Аленай Туравай і многімі іншымі. На фестываль запрошаны ўдзельнікі праекта АНТ «Я спяваю!» і творчая група тэлепраграмы «Калыханка».
Нэлі ЗІГУЛЯ
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».