Вы тут

І восцямі, і сеткамі, і багрэннем...


Напярэдадні нераставага сезона дзяржінспектары зрабілі акцэнт у сваёй працы на выяўленне парушэнняў у сферы рыбалоўства. Бо, нягледзячы на трохразовыя таксы, па якіх плаціць у гэты перыяд кожны парушальнік, ахвотнікаў пажывіцца лёгкай здабычай, на жаль, хапае.


— Браканьера з вёскі Чудзін Ганцавіцкага раёна гэтай вясной ужо тройчы затрымлівалі дзяржінспектары Салігорскай і Нясвіжскай міжрайінспекцый. І кожны раз — на Чырвонаслабодскім вадасховішчы. Пажылы мужчына неаднаразова прыцягваўся за парушэнне правілаў рыбалоўства і нават адбываў тэрмін. Падчас апошняга затрымання браканьер выбіваў шчупака восцямі. За 26 асобін рыбы яму давядзецца заплаціць каля 50 мільёнаў рублёў і зноў панесці крымінальнае пакаранне. Амаль 100 кілаграмаў рыбы вылавілі сеткамі трое браканьераў на вадасховішчы Бабруйкоўскім у Ельскім раёне. Ільвіную долю ўлову — 34 асобіны з 50 — складаў шчупак, які цяпер нерастуе. Дзяржінспектары Мазырскай міжрайінспекцыі канфіскавалі ў парушальнікаў 11 сетак даўжынёй больш за кіламетр. За незаконна здабытую рыбу кампенсаваць ім прыйдзецца каля 70 мільёнаў рублёў, — расказала прэс-сакратар Дзяржінспекцыі Вольга Грамовіч.

Крымінальнае пакаранне чакае і сеткавіка з пасёлка Рось Ваўкавыскага раёна. У яго ўлове было 60 плотак і 6 шчупакоў. Кампенсацыя за аднаго незаконна вылаўленага шчупака падчас нерасту — 9 базавых велічынь! У выніку — мінус 24 мільёны рублёў з сямейнага бюджэту. Плюс буйны штраф. Дорага прыйдзецца заплаціць і затрыманаму на Дняпры магілёўцу за дзвюх сцерлядзяў і двух самоў, злоўленых багрэннем на яме. Сцерлядзь занесена ў Чырвоную кнігу Беларусі, здабыча сома да канца сакавіка таксама была забаронена. Магілёўцу трэба будзе выплаціць каля 18 мільёнаў рублёў, а таксама буйны штраф.

rs@zviazda.by

Выбар рэдакцыі

Культура

Пошук вечнага жыцця

Пошук вечнага жыцця

Шмат разоў, збочыўшы з брэсцкай трасы, праязджаючы ад Міра да Карэліч, царкву на могілках каля вёскі Загор'е выхопліваеш літаральна за лічаныя секунды.

Спорт

Ірына Курачкіна заваявала серабро Алімпійскіх гульняў!

Ірына Курачкіна заваявала серабро Алімпійскіх гульняў!

 У фінале спаборніцтваў па жаночай барацьбе яна ўступіла японцы Рысака Каваі. 

Грамадства

Ацэнка дзеянняў урада і давер да апазіцыі — Мусіенка пракаментаваў вынікі сацапытання

Ацэнка дзеянняў урада і давер да апазіцыі — Мусіенка пракаментаваў вынікі сацапытання

Па заказе ЗАТ «Другі нацыянальны тэлеканал» — АНТ з 5 па 21 ліпеня Аналітычны цэнтр ЕсооМ з прыцягненнем фонду «Украінская палітыка» правёў

Палітыка

Літоўцы раскручваюць крывавую хвалю гвалту

Літоўцы раскручваюць крывавую хвалю гвалту

З беларуска-літоўскай граніцы працягваюць паступаць весткі, ад якіх проста кроў стыне ў жылах.