Параўнальна нядаўна, у 2009 годзе, у Чэрвені, на Міншчыне, з'явілася вуліца з імем Давыда Голуба. А днямі на адным з будынкаў усталявана мемарыяльная дошка ў гонар славутага земляка.
— Мой бацька — Давыд Майсеевіч Голуб, нарадзіўся ў Чэрвені, — расказвае дачка акадэміка Нацыянальнай Акадэміі навук Беларусі Галіна Давыдаўна Голуб, — ён заўсёды быў уважлівы да роднай старонкі, стараўся ўсямерна дапамагаць сваім землякам. Пражыўшы 100 гадоў, ён дасягнуў неверагодных вышынь у навуцы. Сваю захопленасць медыцынай перадаў многім сваім наступнікам.
Можна толькі падзякаваць землякам-чэрвеньцам, што яны так дастойна ўшанавалі памяць заслужанага дзеяча навукі Рэспублікі Беларусь, лаўрэата Дзяржаўнай прэміі СССР. І выказаць спадзяванне, што з часам на чэрвеньскай вуліцы Акадэміка Давыда Голуба яшчэ з'явіцца і помнік славутаму земляку.
Сумесныя праекты ядзерных тэхналогій.