Вы тут

У Крупках прайшоў мінскі абласны веласіпедны тур


Мінскі абласны веласіпедны тур, прысвечаны 71-й гадавіне Перамогі ў Вялікай Айчыннай вайне, прайшоў днямі ў Крупках. Канцавы пункт прабегу — возера Сялява. На працягу маршруту ўдзельнікі зрабілі прыпынак у вёсках Худаўцы і Прошыка, усклалі кветкі да помніка Героя Савецкага Саюза Алены Колесавай.


У велапрабегу прынялі ўдзел кіраўніцтва Мінскага аблвыканкама, работнікі яго структурных падраздзяленняў, абласных ведамасных арганізацый, прадстаўнікі раённых і гарадскіх выканкамаў.

Для ўсіх ахвотных былі праведзены спартыўныя спаборніцтвы: паркавы валейбол, дартс, фігурнае ваджэнне веласіпеда, а таксама конкурсы «Кіданне валёнка», «Хто хутчэйшы на мятле?» і іншыя.

Мэта мерапрыемства — папулярызацыя веласіпеднага спорту, прапаганда здаровага ладу жыцця, арганізацыя вольнага часу жыхароў цэнтральнага рэгіёна, прыцягненне іх да рэгулярных заняткаў фізічнымі практыкаваннямі.

Таццяна ЛАЗОЎСКАЯ

lazovskaya@zviazda.by

Загаловак у газеце: Хто хутчэйшы на веласіпедзе

Выбар рэдакцыі

Грамадства

Такое рознае малако... Каму якое падыходзіць?

Такое рознае малако... Каму якое падыходзіць?

«Малако — паўнавартасны прадукт харчавання, а не напой, гэта важна ўлічваць».