Вы тут

Беларусь на 37-м месцы ў рэйтынгу Doіng Busіness — 2017


Наша краіна заняла 37 месца ў рэйтынгу «Вядзенне бізнесу — 2017». Даследаванне сёлета праводзілася сярод 190 дзяржаў. У мінулым годзе ў гэтым рэйтынгу краіна займала 44 пазіцыю. Аднак пасля перагляду вынікаў у сувязі са з'яўленнем больш дакладных даных ад краін, якія прымалі ўдзел у даследаванні, лічыцца, што Беларусь займала ў справаздачы «Doіng Busіness — 2016» не 44-ы, а 50-ы рэйтынгавы радок.


Сёлета рэйтынг узначаліла Новая Зеландыя, пасунуўшы Сінгапур на другое месца. У топ-10 краін з найбольш спрыяльнымі ўмовамі для прадпрымальніцкай дзейнасці таксама трапілі Данія, Ганконг (спецыяльны адміністрацыйны раён Кітая), Рэспубліка Карэя, Нарвегія, Вялікабрытанія, ЗША, Швецыя і Македонія. На постсавецкай прасторы самае высокае месца займае Эстонія — 12-е. Следам за ёй на 14 месцы Латвія, на 16-м — Грузія, Літва — на 21-м. Казахстан заняў 35 месца, Арменія — 38-е, Расія — 40-е, Малдова — 44-е, Азербайджан — 65-е, Кыргызстан — 75-е, Украіна — 80-е, Узбекістан — 87-е, Таджыкістан — 128-е.

У гэтым дакладзе ўлічваліся рэформы, якія праводзілі ў перыяд з 2 чэрвеня 2015 года па 1 чэрвеня 2016 года. За гэты перыяд Беларусь ажыццявіла чатыры значныя рэформы, якія спрашчаюць вядзенне бізнесу. Краіна спрасціла працэдуру падключэння да сістэмы электразабеспячэння за кошт укаранення прынцыпу «аднаго акна» ў службе, якая займаецца ўсімі пытаннямі гэтай сістэмы, у тым ліку праектаваннем і будаўніцтвам размеркавальных сетак. Таксама спрасціліся працэдуры перадачы маёмасці за кошт узмацнення празрыстасці і надзейнасці сістэмы кіравання зямельнымі рэсурсамі. Сёння для рэгістрацыі ўласнасці неабходна прайсці толькі дзве працэдуры і выдаткаваць тры дні, што дазволіла краіне выйсці на пятае месца ў свеце па паказчыку «Рэгістрацыя ўласнасці». Акрамя таго, была створана сістэма крэдытных гісторый, і Бюро крэдытных гісторый пачало прысвойваць ацэнкі крэдытаздольнасці пазычальнікаў. Краіна таксама зрабіла крокі, каб умацаваць абарону правоў мінарытарных інвестараў, тым самым гарантуючы прававую абарону ў выпадках, калі аперацыі звязаных бакоў наносяць кампаніі шкоду. Таксама ўзмацніліся патрабаванні да карпаратыўнай празрыстасці.

Ілья КРЫЖЭВІЧ

kryzhevіch@zvіazda.by

Загаловак у газеце: Пазіцыі палепшыліся

Выбар рэдакцыі

Грамадства

Водар лаванды вабіць на Веткаўшчыну

Водар лаванды вабіць на Веткаўшчыну

Як выглядае «беларускі Праванс», дакладна ведаюць жыхары глыбінкі Гомельскай вобласці.

Эканоміка

«Прадам утульную кватэру, а куплю яшчэ лепшую». А пра падаткі вы не забыліся?

«Прадам утульную кватэру, а куплю яшчэ лепшую». А пра падаткі вы не забыліся?

Адна мая добрая знаёмая вырашыла палепшыць свае жыллёвыя ўмовы — прадаць сваю двухпакаёвую кватэру і купіць трохпакаёвую.

Калейдаскоп

Усходні гараскоп на наступны тыдзень

Усходні гараскоп на наступны тыдзень

БЛІЗНЯТЫ. Калі ёсць цікавыя ідэі, то менавіта цяпер яны будуць запатрабаваныя і нарэшце ажыццёвяцца. Тыдзень прынясе знаёмствы з новымі людзьмі, спатканні, вандроўкі і шмат яркіх уражанняў. Асабістае жыццё рэзка зменіцца, прычым менавіта так, як вы марылі. Вы больш не будзеце самотныя, сітуацыя вырашыцца на вашу карысць.

Грамадства

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

«Верхавіна лета» прайшла, і ўжо мала хто памятае, што першая дэкада чэрвеня была халаднаватай і з замаразкамі.