Аб iх правядзеннi кiраўнiкi нашых краiн дамовiлiся яшчэ два гады назад падчас вiзiту Эмамалi Рахмона ў Мiнск. Летась з поспехам прайшлi Днi культуры Беларусi ў Таджыкiстане, а цяпер мы чакаем творчы дэсант з Душанбэ. Аб тым, што падрыхтавалi для беларускага гледача сярэднеазiяцкiя таленты, а таксама аб стасунках, якiя робяць нашы геаграфiчна аддаленыя краiны блiжэйшымi адна да адной, расказвае Надзвычайны i Паўнамоцны Пасол Рэспублiкi Таджыкiстан у Рэспублiцы Беларусь Казiдаўлат КАIМДОДАЎ.
— Казiдаўлат Каiмдодавiч, як правiла, падчас Дзён культуры краiна, якая iх прадстаўляе, iмкнецца паказаць самае лепшае ў розных мастацкiх жанрах. Што прывязуць у Мiнск таджыкскiя творцы?
— Апошнi раз мы прывозiлi ў Мiнск Днi культуры ў 2008 годзе. З таго часу з'явiлася нямала творчых здабыткаў, якiя зацiкавяць беларускага гледача. На працягу пяцi дзён (з 10 па 14 лiстапада) у гэтым можна будзе пераканацца, наведаўшы разнастайныя мерапрыемствы, падрыхтаваныя нашымi творцамi. Так, запланавана канцэртная праграма з удзелам лепшых майстроў мастацтваў Таджыкiстана. На выставе нацыянальнага выяўленчага мастацтва будзе прадстаўлена чатыры дзясяткi карцiн. Здабыткi нацыянальнага кiно — стужкамi «Таджыкфiльма» «Заход свiтання» i «Настаўнiк». Несумненна, цiкавым для беларускага гледача будзе паказ калекцыi твораў майстроў народных мастацтваў. Яшчэ адзiн цiкавы момант — прэзентацыя кнiгi п'ес вядомага беларускага драматурга Аляксея Дударава на таджыкскай мове.
Асобна хачу заўважыць, што мы надаём падобным мерапрыемствам вялiкае значэнне, разумеючы, што дыялог культур — гэта формула наладжвання супрацоўнiцтва ў палiтычнай i эканамiчнай сферах.
— Калi гаварыць пра супрацоўнiцтва нашых краiн менавiта ў гэтых абласцях, актыўна развiваюцца i мiжпарламенцкiя, i гандлёва-эканамiчныя стасункi. Асаблiвая стаўка зроблена на вытворчую кааперацыю. Якiя перспектыўныя праекты бачацца ў гэтым кiрунку?
— Маючы на ўвазе вопыт Беларусi, варта звярнуць асаблiвую ўвагу на паглыбленне супрацоўнiцтва ў навуковай сферы — для развiцця высокiх тэхналогiй, абмену вопытам. Тут узаемадзейнiчаюць нашы акадэмii навук, навучальныя ўстановы, зацiкаўленыя прадпрыемствы.
Акрамя таго, у нас ёсць нявыкарыстаныя магчымасцi ў галiне фармацэўтыкi. У далейшым можна разгледзець пытанне стварэння сумеснай вытворчасцi лекавых прэпаратаў на тэрыторыi Таджыкiстана з выкарыстаннем мясцовай сыравiны — беларускiх лекавых раслiн.
Можна казаць i аб супрацоўнiцтве ў сферах жывёлагадоўлi i насенняводства, уключаючы вырошчванне насення бульбы. Актуальнае пытанне пастаўкi экалагiчна чыстых ранняй гароднiны i садавiны з Таджыкiстана на рынкi Беларусi. Напрыклад, можна арганiзаваць дастаўку такiх тавараў наземным транспартам i паветраным шляхам...
— Нашы краiны актыўна супрацоўнiчаюць i ў межах iнтэграцыйных аб'яднанняў — СНД, АДКБ, Шанхайскай арганiзацыi супрацоўнiцтва. Таджыкiстан мяжуе i з ЕАЭС, членам якой з'яўляецца Беларусь. Шмат гаворыцца аб перспектывах пашырэння гэтага эканамiчнага саюза. Як на гэту перспектыву глядзяць у Душанбэ?
— Пытаннi, звязаныя з дзейнасцю ЕАЭС i магчымасцю ўступлення Таджыкiстана ў гэты саюз, знаходзяцца на стадыi вывучэння i аналiзу. Неабходна вызначыць i прапрацаваць усе плюсы i мiнусы далучэння. Наш лiдар Эмамалi Рахмон заявiў аб неабходнасцi вывучэння эканамiчнай базы i прававых дакументаў Еўразiйскага саюза з мэтай «магчымага далейшага ўваходжання ў гэта новае iнтэграцыйнае аб'яднанне». Пры гэтым хачу адзначыць, што краiны — члены ЕАЭС з'яўляюцца асноўнымi гандлёвымi партнёрамi Таджыкiстана.
Сусветная практыка паказвае, што для ўступлення ў падобныя аб'яднанні неабходна мець надзейную эканамiчную базу альбо для пераходнага перыяду — падушку бяспекi. Напрыклад, калi мы сёння здымем усе мытныя пошлiны, якiя прыносяць у бюджэт пэўнае папаўненне, дзе мы знойдзем гэтыя грошы заўтра? Такая падушка бяспекi была ў краiнах, якiя выказалi жаданне ўступiць у саюз, пра якi мы гаворым. Спецыялiстам неабходна думаць аб гарманiзацыi тарыфаў. Сёння ў гэтым кiрунку працуюць экспертныя групы, але трэба таксама ўлiчваць фактар сусветнага крызiсу i розных санкцый.
Вядома, краiнам трэба аб'ядноўвацца, але рабiць гэта з улiкам уласных iнтарэсаў.
— Вяртаючыся да тэмы Дзён культуры вашай краiны. Несумненна, сярод беларусаў знойдуцца тыя, хто, натхнiўшыся прыгажосцю i экзотыкай сярэднеазiяцкай культуры, захоча пабываць у Таджыкiстане. На што найперш варта звярнуць увагу спакушанаму турысту?
— Тым, хто хоча не толькi адпачыць, але i паправiць здароўе, можна параiць прыехаць у нашы санаторыi «Гармчашма», «Бахарыстон». Што тычыцца актыўнага адпачынку, Таджыкiстан, 90% тэрыторыi якога займаюць высокiя горы, можа прапанаваць альпiнiзм, вельмi папулярны ў нас. Акрамя таго, турыстам звычайна цiкава паспрабаваць рафтынг — сплаў па горнай рацэ, i гэта практыкуецца ў нас. Развiваецца i спартыўны кiрунак — велатурызм i мотатурызм. Дарэчы, улетку 2013 года адбылася першая велаэкспедыцыя беларусаў у розныя куткi Таджыкiстана — Пенджыкент i Памiр.
У цэлым можна сказаць, што Камiтэт моладзi, спорту i турызму Таджыкiстана i Мiнiстэрства спорту i турызму Беларусi вядуць даволi актыўную работу па развiццi гэтай важнай сферы, i ў гэтым супрацоўнiцтве таксама бачныя добрыя перспектывы.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.