Вы тут

Выбраны самыя кулінарныя вуліцы Мінска


Беларуская сталіца перажывае ўсплёск цікавасці да гастраноміі: колькасць аб'ектаў грамадскага харчавання расце ва ўсіх раёнах, а ў горадзе асвойваюць новыя фарматы устаноў. Больш за ўсё кафэ і рэстаранаў прадстаўлена ў цэнтры горада – перш за ўсё, у Верхнім горадзе і раёне Нямігі. Рэстаратары традыцыйна актыўныя ў межах другога кальца, а ў апошні час кафэ і кандытарскія сталі часта з'яўляцца ў спальных раёнах. Рэйтынг гастранамічных вуліц сталіцы склалі прадстаўнікі ТАА "Горацкі харчовы камбінат" (вытворца папулярнага брэнда Exponenta)​.


Гастранамічны рэйтынг узначаліла вуліца Інтэрнацыянальная, на якой размешчана каля 20 кафэ і рэстаранаў. Папулярнасць ёй забяспечвае размяшчэнне ў цэнтры горада і наяўнасць гатэляў. Нягледзячы на малую працягласць (усяго 1 км), вуліца стала адным з нешматлікіх месцаў, дзе піраговая суседнічае з французскай пякарняй, а статутнае кафэ – з моладзевай кавярняй. У той жа час далёка не ўсе ўстановы вытрымліваюць высокую канкурэнцыю.

На другім месцы знаходзіцца вуліца Карла Маркса, дзе на адлегласці 1,3 км сабраны піцэрыі, кавярні і рэстараны нацыянальнай кухні. У адрозненне ад лідара спісу, вуліца Карла Маркса ў большай ступені характарызуецца  рэспектабельнымі ўстановамі. Так і не стаўшы пешаходнай, яна пачала губляць папулярнасць, хоць усё яшчэ ўяўляе цікавасць для гурманаў.

Трэцяе месца займае праспект Незалежнасці з самай вялікай колькасцю аб'ектаў грамадскага харчавання – каля 100. У той жа час яны сканцэнтраваныя ў асноўным каля станцый метро і "гастранамічнага калідора" не ўтвараюць. Найбольшую цікавасць праспект уяўляе для дэмакратычных кафэ, але наведвальнікамі распешчаны далёка не ўсе ўстановы. Следам ідзе вуліца Няміга, якую аблюбавалі рэстараны хуткага харчавання і кафейні. Першую пяцёрку замыкае вуліца Зыбіцкая, якая не ведае сабе роўных у канцэнтрацыі бараў і пабаў.

У спіс самых "смачных" таксама ўвайшла вуліца Рэвалюцыйная з акцэнтам на кулінарны андэграўнд, які развіваецца ўстановамі з аўтарскай кухняй. Сёмае месца займае вуліца Кастрычніцкая з моладзевымі кафэ і барамі.

Вялікая колькасць кафэ і сеткавых рэстаранаў характэрна таксама для вуліцы Сурганава. Багатая на гастраномію і вуліца Кульман, якая асабліва вылучаецца стрытфудам. У рэйтынг таксама трапіў праспект Пераможцаў, аб'екты грамадскага харчавання уздоўж якога шырока прадстаўлены ў гандлёвых цэнтрах і гасцініцах.

"За апошнія гады сфера грамадскага харчавання ў сталіцы прыкметна разраслася: стала больш устаноў, асвоены практычна ўсе сегменты. Найбольш актыўна адкрываюць новыя аб'екты сеткі фастфуду, – лічаць складальнікі рэйтынгу. – Прынцып "хутка, сытна і танна" стаў папулярны, збольшага з-за гэтага траціна гараджан пакутуе ад незбалансаванага харчавання. Кафэ і рэстараны са спецыялізацыяй на здаровай ежы прадстаўлены ў Мінску выбарча. Гастранамічны турызм у горадзе таксама пакуль толькі зараджаецца".

Сяр­гей КУР­КАЧ

kurkасh@zvіаzdа.bу

Выбар рэдакцыі

Грамадства

 Для чаго Аляксей Хомчык стаў урачом?

Для чаго Аляксей Хомчык стаў урачом?

«Дзядзька Васіль загінуў, ты павінен працягнуць яго справу. Ты добра вучышся, павінен стаць доктарам».

Грамадства

Буякі, суніцы і лісічкі — прыцэньваемся да падарункаў чэрвеня

Буякі, суніцы і лісічкі — прыцэньваемся да падарункаў чэрвеня

«Ёсць і імпартныя, іспанскія — яны па-ранейшаму ў раёне 70 рублёў за кіло, 30 рублёў — кантэйнер».

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў.