Рэспубліканскі праект з такой назвай распачаўся з Брэста.
Першая алея з удзелам дзесяці самых актыўных, творчых і спартыўных сем'яў абласнога цэнтра закладзена ў парку 1000-годдзя горада.
Удзельнікі акцыі высадзілі саджанцы ліп, якія стануць своеасаблівым сімвалам сямейнага дабрабыту, любові і вернасці. Бо нездарма славяне ўшаноўвалі ліпу як святое дрэва, як дрэва-маці, што дорыць сваім дзецям усё неабходнае. Кожная сям'я прымацавала на дрэва імянную шыльдачку, дзе пазначаны члены сям'і, дата стварэння сям'і або іншыя важныя даты і падзеі. Плануецца, што ўдзельнікі акцыі будуць даглядаць свае дрэвы, перадаючы іх у «спадчыну» з пакалення ў пакаленне.
У сакавіку — красавіку праект «Парк сямейных дрэваў» пройдзе ў кожным рэгіёне Брэсцкай вобласці. Пінск і Баранавічы наступнымі падхопяць эстафету па пасадцы сямейных паркаў і алей.
Асноўнымі арганізатарамі праекта выступаюць Брэсцкі абласны камітэт БРСМ і Брэсцкі абласны камітэт прыродных рэсурсаў і аховы навакольнага асяроддзя пры падтрымцы гарадскога выканаўчага камітэта.
Сяргей РАСОЛЬКА
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
