Вы тут

Coursera адкрыла студэнтам па ўсім свеце бясплатны доступ да сваіх курсаў


У Coursera заявілі, што запусцілі акцыю з-за сітуацыі з каранавірусам. «Амаль 70 % студэнтаў па ўсім свеце пацярпелі з-за закрыцця кампусаў і прыпынення вочнага навучання з-за пандэміі. Ніхто не ведае, калі яны змогуць вярнуцца да паўнавартаснага вочнага навучання. Акрамя таго, у сувязі з адменай у гэтым годзе большасці летніх стажыровак студэнты занепакоеныя тым, як такі працяглы перапынак у вучобе адаб’ецца на іх магчымасці пачаць паспяховую кар’еру. Навучанне павінна працягвацца, нават калі кампусы зачыненыя. У гэты цяжкі час больш за мільён студэнтаў ВНУ ўжо пачалі выкарыстоўваць Coursera, і нас натхняе тая роля, якую мы можам адыграць у змякчэнні наступстваў пандэміі, — гаворыцца ў паведамленні Coursera. — Мы ўпэўненыя, што платформа Coursera for Campus — гэта магутны рэсурс, здольны эфектыўна падтрымаць усе вышэйшыя навучальныя ўстановы ва ўмовах глабальнай эпідэміі каранавірусу».


Атрымаць бясплатны доступ да курсаў на адукацыйнай платформе Coursera могуць дзеючыя студэнты і выпускнікі 2020 года з пацверджанымі адрасамі электроннай пошты на даменах ВНУ. Калі ўніверсітэт зарэгістраваны на платформе, у яго студэнтаў з’явіцца доступ да 3800 курсаў, 150 інтэрактыўных праектаў, 400 спецыялізацый і 11 прафесійных праграм сертыфікацыі.

Запіс на курсы адкрыты да 31 ліпеня. Прайсці выбраныя праграмы трэба да 30 верасня. Пасля гэтай даты ў студэнтаў захаваецца бясплатны доступ толькі да інтэрактыўных праектаў з галіновымі экспертамі.

Надзея НІКАЛАЕВА

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

Неспадзяваныя падарожжы. Як не згубiцца ў лесе?

Неспадзяваныя падарожжы. Як не згубiцца ў лесе?

Цёплае i вiльготнае надвор'е, якое вось ужо чацвёрты тыдзень з невялiкiмi перапынкамi пануе ў Беларусi, штурхае да таго, каб пайсцi ў лес.