Вы тут

Што хвалюе жыхароў Пружанскага раёна?


Гэтыя i iншыя тэмы ўзнiмалiся падчас рабочай паездкi старшынi Пастаяннай камiсii Савета Рэспублiкi па мiжнародных справах i нацыянальнай бяспецы Сяргея РАЧКОВА ў Пружанскi раён, што на Брэстчыне.


Сяргей Рачкоў выбраў для наведвання Ружаншчыну, якая да сярэдзiны 1950-х была асобным раёнам i цяпер складае амаль палову аднаго з найбуйнейшых раёнаў Брэстчыны. З самага пачатку Сяргей Анатолевiч сустрэўся з дэпутатамi Ружанскага сельскага Савета. Сенатар расказаў мясцовым калегам пра спецыфiку работы верхняй палаты парламента. Пасля яны абмеркавалi сiтуацыю ў краiне з каранавiруснай iнфекцыяй. Паводле слоў старшынi Ружанскага сельскага Савета Аксаны ЮРКОЎСКАЙ, мясцовыя дэпутаты загадзя рыхтавалiся гаварыць на гэтую тэму i атрыманай iнфармацыяй аказалiся задаволеныя.

Затым у праграме былi традыцыйная прамая тэлефонная лiнiя i асабiсты прыём
грамадзян. Дарэчы, на прамую лiнiю званiлi не толькi мясцовыя людзi, але i жыхары суседнiх Бярозаўскага i Ваўкавыскага раёнаў. Пытаннi падчас прамой лiнii i прыёму найбольш датычылiся добраўпарадкавання тэрыторый i жыллёвага заканадаўства. На асабiсты прыём да сенатара прыйшоў 82-гадовы ветэран Узброеных Сiл Уладзiмiр Папоў з просьбай паспрыяць у выданнi сваёй кнiгi. Дарэчы, кнiгу ветэран-ракетчык напiсаў пра здаровы спосаб жыцця. Аўтар атрымаў падрабязную кансультацыю.

Падчас паездкi Сяргей Рачкоў наведаў сельгаспрадпрыемства «Ружаны-Агра», Ружанскi палацавы комплекс роду Сапег i санаторый «Ружанскi». У палацы госць азнаёмiўся з музейнай экспазiцыяй, пацiкавiўся ходам рэстаўрацыi комплексу. А ў санаторыi ўдзельнiкi сустрэчы пагутарылi з персаналам i адпачывальнiкамi. Дарэчы, цяпер ён запоўнены на 98 працэнтаў — гэта адзiн з найлепшых паказчыкаў у краiне. Пераважная большасць пацыентаў санаторыя —беларусы, расiян зараз адпачывае няшмат. Сенатар адзначыў умелую работу i сучасныя падыходы да рэкламавання сваiх паслуг. «Ружанскi» не прапускае нiводнага вялiкага мерапрыемства, яго спецыялiсты выступаюць там з уласнымi прэзентацыямi: нядаўна былi на фестывалi ў Александрыi, збiраюцца на «Славянскi базар», выкарыстоўваюць магчымасць прарэкламаваць сябе на тэлебачаннi i ў iнтэрнэце. Вынiкi — у вышэйпрыведзенай лiчбе.

Святлана ЯСКЕВIЧ

Прэв’ю: sovrep.gov.by

Выбар рэдакцыі

Грамадства

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

З чым звязана такая восеньская зменлівасць надвор’я і калі чакаць першы снег.

Грамадства

Усходні гараскоп на наступны тыдзень

Усходні гараскоп на наступны тыдзень

КАЗЯРОГ. Буйныя крэдыты зараз лепш не браць. Паспрабуйце прывесці думкі і пачуцці ў парадак. І перастаньце гібець, зазірніце ў сябе, ураўнаважце эмацыянальны стан. Зараз самы час для наладжвання згубленых сувязяў, якія спатрэбяцца ў найбліжэйшай будучыні. Не забывайце пра родных і блізкіх.

Спорт

Сяргей Кавальчук: У спорце вышэйшых дасягненняў адна мэта — быць лепшымі

Сяргей Кавальчук: У спорце вышэйшых дасягненняў адна мэта — быць лепшымі

Міністр спорту і турызму пра жыццё беларускага спорту. Шчыра і аб’ектыўна.