Вы тут

Сустрэчы з калектывамі і дабрачыннасць


У Савеце Рэспублікі адбылася сустрэча старшыні Пастаяннай камісіі Савета Рэспублікі па адукацыі, навуцы, культуры і сацыяльным развіцці Ірыны Старавойтавай з прадстаўнікамі Магілёўскай гарадской арганізацыі Беларускага прафесійнага саюза работнікаў адукацыі і навукі. Парламентарый расказала аб заканадаўчай і міжпарламенцкай дзейнасці Савета Рэспублікі, яго пастаянных камісій, прыярытэтных кірунках работы, аб асаблівасцях электаральнай кампаніі 2024 года, задачах, якія стаяць перад грамадствам у Год якасці. Ірына Старавойтава таксама закранула праблемы ўдасканалення нацыянальнай сістэмы адукацыі. У прыватнасці, яна адзначыла, што галоўная задача — напоўніць прававыя нормы, якія датычацца выхаваўчай ролі настаўніка, рэальным глыбокім зместам і правільна выбудаваць цэласную сістэму выхавання, якая ахоплівае ўсе ўзроўні навучання, забяспечвае пераемнасць пакаленняў, зберажэнне каштоўнасцяў і традыцый, дапамагае кожнаму дзіцяці стаць сапраўдным грамадзянінам і патрыётам сваёй краіны. Сенатар адказала на пытанні прысутных і заклікала ўсіх актыўна ўдзельнічаць у палітычным, сацыяльным, эканамічным і культурным развіцці дзяржавы, умацоўваць аўтарытэт краіны.


Старшыня Пастаяннай камісіі Савета Рэспублікі па міжнародных справах і нацыянальнай бяспецы Сяргей Рачкоў у рамках адзінага дня інфармавання сустрэўся з працоўным калектывам 4-й гарадской дзіцячай клінічнай бальніцы. Парламентарый акцэнтаваў увагу супрацоўнікаў на тым, што якасць жыцця насельніцтва нашай краіны залежыць ад якасці працы медыцынскіх работнікаў. Сяргей Рачкоў праінфармаваў, што ў Савет Рэспублікі ў 2023 годзе паступіла каля 500 зваротаў грамадзян, якія датычацца сферы аховы здароўя і неабходнасці яе ўдасканалення. Сенатар расказаў аб асноўных выніках дзейнасці Савета Рэспублікі ў 2023 годзе ў кантэксце сучаснага геапалітычнага становішча.


Член Пастаяннай камісіі Савета Рэспублікі па заканадаўстве і дзяржаўным будаўніцтве, старшыня РГА «Белая Русь», старшыня Беларускай партыі «Белая Русь» Алег Раманаў прыняў удзел у акцыі «Белая Русь» — дзецям Данбаса«. Ініцыятыва рэспубліканскай грамадскай арганізацыі, якая стартавала ў пачатку снежня, аказалася па-сапраўднаму ўсенароднай і аб’яднала ўсе вобласці і раёны нашай краіны. «Цяпер на складах знаходзіцца больш за 12 тон гуманітарнай дапамогі, якая была сабрана актывам пярвічных арганізацый РГА „Белая Русь“ горада Мінска і некаторых раёнаў Мінскай вобласці, — расказаў Алег Раманаў. — У найбліжэйшы час будзе дастаўлена гуманітарная дапамога з Гомельскай вобласці і далей з усіх астатніх абласцей. Цяпер вядзецца работа па сартаванні гуманітарнай дапамогі». У якасці валанцёраў грамадскай арганізацыі дапамагаюць курсанты Ваеннай акадэміі і студэнты Беларускага дзяржаўнага эканамічнага ўніверсітэта. На наступным тыдні прадукты харчавання, салодкія падарункі, канцылярскія прылады, лекі, медыцынскія вырабы, сродкі гігіены і шмат іншага адправіцца ў Данбас.


Намеснік старшыні Пастаяннай камісіі Савета Рэспублікі па адукацыі, навуцы, культуры і сацыяльным развіцці Дзмітрый Баскаў у рамках адзінага дня інфармавання правёў сустрэчу з кіраўнікамі хакейных клубаў краіны. На сустрэчы абмяркоўвалася падрыхтоўка да кампаніі па выбарах дэпутатаў Палаты прадстаўнікоў Нацыянальнага сходу Рэспублікі Беларусь восьмага склікання і мясцовых Саветаў дэпутатаў. Акрамя таго, асаблівую ўвагу сенатар удзяліў сацыяльнаму складніку ў рабоце кіраўнікоў. 

Вераніка КАНЮТА

Выбар рэдакцыі

Сям'я і дэмаграфія

Надзея Ластоўская: Калі ты багацейшы, дапамажы іншаму

Надзея Ластоўская: Калі ты багацейшы, дапамажы іншаму

Якія прынцыпы закладвае ў выхаванне сваіх дзяцей лаўрэат рэспубліканскага конкурсу «Жанчына года»?

Грамадства

Гісторыя ваеннага братэрства

Гісторыя ваеннага братэрства

«Нармандыя», што стала Нёманскай.

Рэлігія

200 гадоў пад заступніцтвам Пятра і Паўла

200 гадоў пад заступніцтвам Пятра і Паўла

Гомельскі кафедральны Свята-Петра-Паўласкі сабор — адзін з самых велічных праваслаўных храмаў Беларусі, адзін з нямногіх помнікаў архітэктуры зрэлага класіцызму, які захаваўся да нашых дзён.