Вы тут

Беларусы збiраюць крышкi ад бутэлек, каб дапамагчы хворым дзецям


Увосень спецыяльны грузавiк адправiцца па гарадах i мястэчках Беларусi, каб забраць з жоўтых кантэйнераў-дамкоў крышкi, якiя за гэты час збяруць неабыякавыя людзi. Незвычайную iнiцыятыву ў межах праекта «Новае жыццё ў абмен на крышачкi» зладзiла арганiзацыя «СацыяЭкаЦэнтр» з дапамогай кампанii «Кока-Кола Беўрыджыз Беларусь». Выручаныя ад перапрацоўкi пластыку сродкi накiруюць на рэабiлiтацыю малых з захворваннямi цэнтральнай нервовай сiстэмы.


Знайсцi кантэйнеры можна ў гандлёвых цэнтрах, крамах i навучальных установах 45 гарадоў краiны па яркiм колеры i намаляваных на iх героях — крышарыках, — якiх прыдумалi спецыяльна да акцыi. У Мiнску такiя ёмiстасцi для дапамогi можна знайсцi ў цэнтрах «Галерэя Мiнск», «Грын Сiцi», «Скала», «Аўтлет», супермаркетах «Суседзi» i iншых буйных крамах. Для перапрацоўкi падыдуць крышкi ПЭТ-бутэлек з-пад напояў, бытавой хiмii i парфумерыi.

Арганiзатары кажуць, што нават калi ў горадзе не з'явiлiся спецыяльныя кантэйнеры, крышкi ўсё роўна варта збiраць асобна. Можна звязацца з рэгiянальным каардынатарам акцыi, i грузавiк адхiлiцца ад маршруту, каб прыхапiць з сабой увесь сабраны пластык i далучыць вас да акцыi. Заяўкi на ўдзел прымаюцца таксама ў афiцыйных групах праекта ў сацыяльных сетках «Укантакце», Instagram, «Аднакласнiкi».

Новы фармат дазволiць прыцягнуць больш увагi да iснуючай праблемы. Асобны збор — гэта не толькi клопат пра навакольнае асяроддзе, таму што пластык не закопваюць у зямлю, а перапрацоўваюць, але i магчымасць дзейсна дапамагчы, упэўнены ў кампанii «Кока-Кола Беўрыджыз Беларусь». А куратары праекта з розных гарадоў ужо цяпер мяркуюць, што крышачак будзе сабрана шмат, бо людзi вельмi актыўна збiраюць iх. I мястэчак на шляху спецыяльнага грузавiка будзе значна больш, чым заяўлена напачатку.

Праект ужо дапамог некалькiм маленькiм пацыентам з Мiнска, Вiцебска, Смаргонi, Рэчыцы. Гэтым разам сабраныя ад перапрацоўкi крышак сродкi пойдуць на лячэнне 15-гадовай Маi i 10-гадовага Цiмафея Гурскiх з Жодзiна. У абаiх падлеткаў, якiх выхоўвае толькi матуля, сур'ёзныя дыягназы. Заняткi лячэбнай фiзкультурай i масаж замяняюць iм звычайнае рухавае жыццё i не даюць мышцам атрафiравацца. Цяпер хлопчыку i дзяўчынцы неабходныя чатыры курсы рэабiлiтацыi, якiя запланаваны на кастрычнiк—лiстапад. Аднак сабраць неабходную суму сям'я не можа. Таму арганiзатары праекта i заклiкаюць усiх, хто пажадае далучыцца да акцыi, не выкiдваць крышкi i дачакацца грузавiка, якi, як мяркуецца, выправiцца ў шлях у вераснi.

Iрына СIДАРОК

Загаловак у газеце: Жыццё ў абмен на пластык

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Шалям засталося прыкласці зусім няшмат намаганняў, каб жаданая мэта была дасягнута.

Грамадства

Камандзір вядзе за сабой

Камандзір вядзе за сабой

Пяцікурснік Полацкага дзяржаўнага ўніверсітэта імя Е. Полацкай быў удастоены ганаровага звання «Чалавек года Віцебшчыны — 2023».

Моладзь

Вераніка Цубікава: Натхняюся жаданнем дзяліцца

Вераніка Цубікава: Натхняюся жаданнем дзяліцца

Яе песні займаюць першыя радкі ў музычных чартах краіны, пастаянна гучаць на радыё і тэлебачанні.